2023 jyldyń qorytyndysy boıynsha elimizdegi qolma-qol aqshasyz kartochkalyq tranzaksııalar kólemi alǵash ret ishki jalpy ónim (IJО́) kórsetkishinen (IJО́-ge 120%) asyp, 142,6 trln (+39%) teńgeni qurady. Bul jaǵdaıda el boıynsha qolma-qol aqshasyz operasııalardyń úlesi 82,5%-dan 86,2%-ǵa deıin ósti. Bul týraly Qazaqstan Qarjygerler qaýymdastyǵy habarlady.
О́ńirler bólinisinde qolma-qol aqshasyz tranzaksııalar úlesi ósiminiń kóshbasshylary Almaty (+9,9%), Túrkistan (+9,5) jáne Batys Qazaqstan (+5,4) oblystary boldy.
Eldegi qolma-qol aqshasyz operasııalardyń odan ári enýi aınalystaǵy tólem kartalary sanynyń (jylyna +9,5 mln) jáne POS-termınaldardyń (+210,1 myń) aıtarlyqtaı ulǵaıýyna, QR arqyly tólemderdiń tanymaldylyǵynyń artýyna (jyl qorytyndysy boıynsha 8,5 trln teńge), sondaı-aq qolma-qol aınalymdy dástúrli paıdalanatyn segmentterdiń qamtylýyna (mysaly, beıresmı jumyspen qamtý: saýda, qyzmetter, t.b.) áser etti.
Bul rette bankterdiń onlaın-servısterin belsendi paıdalanýshylardyń sany jyl qorytyndysy boıynsha 22,9-dan 22,7 mln-ǵa deıin (-1,1%) tómendegen.
«Qolma-qol aqshasyz operasııalar ádisteriniń ishinde eń tanymaly ınternettegi tranzaksııalar (barlyq qolma-qol aqshasyz operasııalardyń 83,0%-y), sodan keıin POS-termınal (10,9%) jáne QR (6,0%) arqyly tólem ornalasty. Aqsha massasynyń ósý qarqyny birshama baıaýlady (2023 jyly +8,3%, bir jyl burynǵy 12,1% ósimmen salystyrǵanda). 2023 jyly qazaqstandyqtar 2022 jylǵy 21,8 trln teńgemen salystyrǵanda 22,9 trln teńgeni qolma-qol aqshaǵa aınaldyrdy. О́tken jylmen salystyrǵanda eldegi aınalymdaǵy debettik kartalar sany 18%-ǵa, 51,3-ten 60,3 mln birlikke deıin, al kredıttik kartalar – 3,9%-ǵa, 11,8-den 12,2 mln birlikke deıin ósti», delingen qaýymdastyq habarlamasynda.
2024 jyldyń basyna qaraı kartochkalar boıynsha qolma-qol aqshasyz tranzaksııa kólemi qolma-qol aqsha berý jónindegi operasııalardyń tıisti kórsetkishterinen 6 ese asyp túsedi.