Jańa mindetterdi aıqyndaǵan jıyn

Jalpy, Quryltaı músheleriniń jylyna bir ret alqaly jıynda bas qosýy ıgi dástúrge aınaldy. Ásirese jańarý men jańǵyrý ke­zeńinde ótip jatqan bas­qo­sý­da eldiń damýy jolynda jańa min­det­­ter júktelip, jańa maq­sat­tar aıqyn­da­la­tyny anyq.

Quryltaı jıynynda Memleket bas­shysy el tutastyǵy zııaly qa­ýym birliginen bastalatynyn aıt­ty. «Eń aldymen, halyqtyń be­re­ke-birligin saqtaý eldigimiz úshin asa mańyzdy. Bul týraly únemi aıtyp júrgenimdi bilesizder. Yn­ty­maǵy jarasqan, ortaq maq­satqa uıysqan ult eshqashan utylmaıdy. Eshteńeden qur qalmaıdy. Bul iste zııaly qaýym aıryqsha ról at­qa­rady. Ásirese elge sózi ótetin aǵa býynnyń orny bólek. Olar – qa­zaq­tyń qaımaǵy, ulttyń maq­ta­nyshy. Eldiń tutastyǵy zııaly qaýym­nyń birliginen bastalady. Iаǵnı aldymen el aǵalarynyń arasyn­­da aýyz­bir­shilik bolýy kerek. Olar urpaq­qa ónege bolatyn kesek áńgime aıtýy qajet», dedi Memleket basshysy.

Prezıdent sondaı-aq kórnekti tulǵalar birin-biri moıyndap, ózara qur­met kórsete bilse, ulty­myz uıy­sa túsetinin jetkizdi. Ono­mas­­tıka salasynda belgili tarıhı tul­ǵalarmen qatar, jalpyulttyq qundylyqtar da nazardan tys qal­maý­ǵa tıis ekenin atap ótti. Ata-babasyn ulyqtaýdy surap ujymdyq hat jazýdy ádetke aınaldyryp júrgender jaıynda da sóz etti.

«Keıingi kezde ata-babasynyń, jerlesiniń esimin ulyqtaýdy surap, ujymdyq hat jazý ádetke aına­lyp barady. Atasyna eskert­kish qoıýdy, kóshege atyn berý­di ótinetinder kóbeıdi. Bul – jaǵym­syz jaǵdaı. Mundaı ustanymdar elimizdiń birtutas ıdeologııalyq keńistigine zııan keltiredi. Urpaq tárbıesine kesi­rin tıgizedi. Tipti shetelde bizdi kóne zamanǵa jáne keńestik kezeńge qatysty monýmentter qaptaǵan «Es­kert­kishter eli» dep aıtatyn boldy», dedi Prezıdent.

Rasynda, árbir adam úshin ata-babasyn qurmetteý – paryz. Rýhyna taǵzym etip, as bersin. Biraq bul máseleni saıasılandyryp jiberýge bolmaıdy.

Ulttyq quryltaı jıynynda sóz bolǵan el bolashaǵyna baǵyt­talǵan jáne búgingi kúnniń ózek­ti máse­le­sine aınalǵan ózge de máse­le­ler ońtaıly sheshim tabady dep senemin.

Ulasbek SÁDIBEKOV,

Májilis depýtaty