Eldi kórkeıtetin alty qundylyq

Qundylyqtar jónindegi nus­qaý­lyq halyq úshin basty baǵdar retinde qyzmet etedi. Bul sheshim qabyldaýdyń kúrdeli úderisterin basqarýǵa, negizgi qaǵıdalar men senimderge sáıkes keletin áreket­terge basymdyq berýge kómektesedi. Aıqyn qundy­lyq­tardy ustanatyn kóshbasshy elder óz halqy men múddeli tarap­tardyń senimi men qurmetine ıe bolady. Adaldyq pen etıkalyq minez-qulyq  senimdilikti arttyra­dy, yntymaqtastyq úshin mańyz­dy senimge negizdelgen berik qarym-qatynasty damytady. Qun­dy­lyqtar adamdardy ortaq qaǵıda men umtylys tóńireginde birik­tirý arqyly shabyt pen motı­va­sııanyń kózi bola alady. Osy qundylyqtardy tıimdi tujy­rym­daıtyn, iske asyratyn kóshbasshy elder ortaq maqsattar men damý­daǵy serpiliske jetý úshin óz kózqa­ras­taryna ózge elderdiń qosylýyna shabyt­tandyrady.

Memleket basshysy ulttyń jańa kelbetin aıqyndaıtyn alty negizgi qundylyqqa toqtaldy. Atal­ǵan qundylyqtar ultymyzdyń kel­beti men sıpatyn aıqyndaıtyn keshendi negizdi quraıdy. Egemendik pen ulttyq maqtanysh, táýelsizdik pen otanshyldyq azamattardyń óz memleketiniń múddesin qorǵaý jolynda biriktiredi. Bul qundylyq elge adaldyq sezimin qalyptastyrady. Áralýandylyq pen bereke-birlik­ten týyndaıtyn áleýet birlik pen ynty­maqtyń jeke adamdar men qaýym­dastyq arasyndaǵy kelisim men ynty­maq­tastyqqa yqpal jasaıdy. Osy qundylyq qıyndyqta birge bolý jáne ortaq jetistikti ujym retinde atap ótý mańyzdylyǵyn kór­se­tedi. Ádildik pen jaýapkershilik zań ústemdigin qoldaıdy, qoǵamnyń bar­lyq múshesine qurmetpen qaraýdy qam­tamasyz etedi. Bul qundylyqtar aza­­mat­tardy óz mindetterin oryn­daý­ǵa, or­taq ıgilikke pozıtıvti úles qosýǵa ynta­landyrady.

Qoǵamnyń turaqtylyǵy men qaýipsizdigin saqtaı otyryp, zań men tártip beıbit ómir súrýge, adam quqtaryn qorǵaýǵa negiz bola alady. Bul qundylyq tıimdi basqarý arqyly quqyqtyq normalar men qoǵamdyq qaýipsizdikti saqtaýdyń mańyzdylyǵyn kórsetedi. Barlyq talpynystardaǵy yjdaǵat­ty­lyq, óz isine berilgendik pen basym­dylyqty baǵalaıtyn eńbekqorlyq jáne kásibı biliktilik jeke jáne ujymdyq progreske yqpal jasaıdy. Eńbekqorlyq pen kásibı biliktilik qundylyǵy kemeldikke umtylý mádenıetin damytýǵa, únemi jetildirýge, túrli sektorlardaǵy ınnovasııalar men ónimdilikti ynta­landyrýǵa áser etedi. Shyǵar­ma­shylyq, kásipkerlikti yntalandyrý jasampazdyq jáne jańashyldyqtyń qoǵamdaǵy jańa ıdeıalar, tehnologııalar jáne kúr­deli máselelerdi sheshýge umtyl­dyrady. Bul qundylyq turaqty damý men órkendeýge qol jetkizý úshin ózgeristerdi qabyldaý jáne ózger­meli jaǵdaıǵa beıimdelýdiń mańyz­dylyǵyn kórsetedi. Atalǵan qundy­lyqtar júıesi azamattar usta­nymdaryn qa­lyp­­tas­tyryp, is-áreketterin júzege asy­rýda mańyzdy ról atqarady.

Negizgi alty qundylyq ulttyq progress pen órkendeýdiń ortaq kóz­qa­rasyn qalyptastyryp, maq­sat pen birlik sezimin damytady. Bul qundylyqtar bolashaq ur­paq úshin sheshim qabyldaýǵa, ult­tyń ujymdyq biregeıligin qalyp­tas­tyrýǵa kómektesetin jetekshi qaǵıdattar bolyp qala bermek.

Botagóz PARIDINOVA,

Qorqyt ata atyndaǵy Qyzylorda ýnıversıtetiniń aǵa oqytýshysy