Salyq Zımanov pen Sultan Sartaev. Bul tulǵalardyń esimi men eńbegin barsha qazaq jurty jaqsy bilip, erekshe qurmetpen ataıdy. Irgeli bilim ıeleri elimiz egemendik alǵanda táýelsizdigimizdiń irgetasyn qalap, nyq turýyna kóp kúsh-qaırat jumsady. Iаǵnı qazaq memlekettiliginiń zańdyq turǵyda negiziniń berik bolýy jolynda Egemendik týraly deklarasııanyń, Táýelsizdik týraly zańnyń qabyldanýyna zań ǵylymynyń doktorlary, akademıkter ólsheýsiz eńbek sińirdi.
1998 jyly túsirilgen myna sýrette qos zań salasy alybynyń emen-jarqyn áńgimelesip turǵany beınelengen.
Sýret avtory – qazaq fotoóneri kóshbasshylarynyń biri, kezinde QazTAG-ta qyzmet istegen, odaqtyq APN aqparat agenttiginde shtattan tys tilshi bolǵan, «ákemteatr» – Muhtar Áýezov atyndaǵy akademııalyq drama teatrynyń fotoshejireshisi atanǵan, baıtaq qazaq jerin túgelge jýyq aralap, myńdaǵan kóz súısindiretin kadrdy dúnıege ákelgen Qalıǵumar Qabdeshev.
– Sýret Almaty qalasyndaǵy Mánshúk Mámetova men Karl Marks (qazirgi D.Qonaev) kósheleriniń qıylysyna jaqyn jerde túsirildi, – deıdi Qalıǵumar aǵa. – О́ıtkeni sol mańda Sultekeń ashqan Qazaq quqyqtaný jáne halyqaralyq qatynastar ınstıtýtynyń (KIPMO) ǵımaraty ornalasqan edi. Ol kezde Salyq aǵa da osy ınstıtýt stýdentterine dáris oqıdy eken. О́z basym osyndaı asyl azamattardy, zańǵar zańgerlerdi obektıv qaraýylyna alǵanym úshin de myń márte shúkirshilik etemin!
Berikbaı QADYQOV,
jýrnalıst