2014 jylǵy 31 qazan, Astana qalasy
Jergilikti bıýdjetter jobalaryn ázirleý qaǵıdalaryn bekitý týraly
2008 jylǵy 4 jeltoqsandaǵy Qazaqstan Respýblıkasynyń Bıýdjet kodeksi 64-babynyń 3-tarmaǵyna sáıkes buıyramyn:
1. Qosa berilip otyrǵan Jergilikti bıýdjetter jobalaryn ázirleý qaǵıdalary bekitilsin.
2. Qazaqstan Respýblıkasy Qarjy mınıstriniń Bıýdjettik josparlaý jáne boljamdaý departamenti (T.M. Saveleva) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde buqaralyq aqparat quraldarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Qarjy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryq memlekettik tirkelgen kúninen bastap qoldanysqa engiziledi jáne resmı jarııalanýǵa jatady.
Mınıstr B.SULTANOV.
«KELISILDI»
Qazaqstan Respýblıkasynyń Ulttyq ekonomıka mınıstri
______________ E.Dosaev
2014 jylǵy 11 qarasha
Qazaqstan Respýblıkasy Qarjy mınıstriniń
2014 jylǵy 31 qazandaǵy № 470 buıryǵymen bekitildi
Jergilikti bıýdjetter jobalaryn ázirleý qaǵıdalary
1-bólim. Jalpy erejeler
1. Osy Jergilikti bıýdjetter jobalaryn ázirleý qaǵıdalary (budan ári – Qaǵıdalar) Qazaqstan Respýblıkasynyń 2008 jylǵy 4 jeltoqsandaǵy Bıýdjet kodeksine sáıkes ázirlendi jáne jergilikti bıýdjetterdiń jobalaryn ázirleý tártibin aıqyndaıdy.
2. Jergilikti bıýdjetterdiń jobalaryn ázirleý úderisi:
1) oblystyń, respýblıkalyq mańyzy bar qalanyń, astananyń áleýmettik-ekonomıkalyq damý boljamynyń jobasyn ázirleýdi jáne ony jergilikti atqarýshy organnyń maquldaýyn;
2) jergilikti bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi aıqyndaý;
3) josparly kezeńge josparlanatyn bıýdjet qarajatynyń kólemderi, nátıjelilik jáne tıimdilik kórsetkishteri bar jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalaryn, bıýdjettik ótinimderdi jáne olardy oblystyń, respýblıkalyq mańyzy bar qalanyń, astananyń, aýdannyń (oblystyq mańyzy bar qalanyń) bıýdjet komıssııasynyń qaraýyn;
4) jergilikti bıýdjet týraly máslıhat sheshiminiń jobasyn ázirleýdi qamtıdy.
3. Oblystyń, respýblıkalyq mańyzy bar qalanyń, astananyń áleýmettik-ekonomıkalyq damý boljamyn memlekettik josparlaý jónindegi ortalyq ýákiletti organ aıqyndaıtyn tártippen memlekettik josparlaý jónindegi jergilikti ýákiletti organ ázirleıdi.
4. Jergilikti bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi memlekettik josparlaý jónindegi jergilikti ýákiletti organ oblystyń, respýblıkalyq mańyzy bar qalanyń, astananyń jáne jergilikti bıýdjettiń áleýmettik-ekonomıkalyq damýy men jergilikti bıýdjettiń boljamdy kórsetkishteri, bıýdjet qarajatyn jumsaýdyń basym baǵyttary, josparly kezeńge arnalǵan tıisti bıýdjet tapshylyǵynyń mólsheri negizinde aıqyndaıdy.
Jergilikti bıýdjettik baǵdarlamalar ákimshileri shyǵystarynyń lımıtteri, jańa bastamalarǵa arnalǵan lımıtter memlekettik josparlaý jónindegi ortalyq ýákiletti organ aıqyndaıtyn tártippen aıqyndalady.
2. Oblystyq bıýdjetten, respýblıkalyq mańyzy bar qala, astana bıýdjetterinen qarjylandyrylatyn jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalaryn jáne bıýdjettik ótinimderdi ázirleý
5. Oblystyq bıýdjettiń, respýblıkalyq mańyzy bar qala, astana bıýdjetteriniń shyǵystaryn josparlaý úshin jergilikti bıýdjettik baǵdarlamalardyń ákimshileri bıýdjettik ótinimderdi jáne bıýdjettik baǵdarlamalardyń jobalaryn ázirleıdi jáne aǵymdaǵy qarjy jylynyń 15 mamyryna deıingi merzimde memlekettik josparlaý jónindegi jergilikti ýákiletti organǵa usynady.
Nátıjelerdi baǵalaý júrgizilgen jaǵdaıda Qaǵıdalardyń osy tarmaǵynda kórsetilgen qujattarǵa baǵalaý nátıjeleri qosa beriledi.
6. Oblystyq bıýdjettiń, respýblıkalyq mańyzy bar qala, astana bıýdjetteriniń shyǵystary bazalyq shyǵystar jáne jańa bastamalarǵa arnalǵan shyǵystar bolyp bólinedi.
Turaqty sıpattaǵy shyǵystar, kúrdeli shyǵystar, sondaı-aq bastalǵan (jalǵasatyn) bıýdjettik ınvestısııalyq jobalarǵa jáne qabyldanǵan memlekettik konsessııalyq mindettemelerdi oryndaýǵa jumsalatyn shyǵystar bazalyq shyǵystar bolyp tabylady.
Memlekettik fýnksııalardy, ókilettikterdi oryndaýǵa jáne memlekettik qyzmetter kórsetýge, sondaı-aq transfertter tóleýge jáne jergilikti atqarýshy organnyń basqa da mindettemelerine baılanysty shyǵystar turaqty sıpattaǵy shyǵystar bolyp tabylady.
Jańa bastamalarǵa arnalǵan shyǵystarǵa:
keıinnen jańa bıýdjettik baǵdarlamalar boıynsha qarjylandyrylatyn strategııalyq jáne baǵdarlamalyq qujattarǵa sáıkes áleýmettik-ekonomıkalyq damýdyń jańa basym baǵyttaryn iske asyrýǵa;
makroekonomıkalyq jáne áleýmettik kórsetkishterdiń ózgerýine baılanysty emes jáne is júzindegi bıýdjettik baǵdarlamalar sheńberinde bıýdjet qarajatyn jumsaýdyń qosymsha baǵyttaryn (oryndalatyn memlekettik fýnksııalar, ókilettikter jáne kórsetiletin memlekettik qyzmetter kólemin keńeıtýdi) kózdeıtin bazalyq shyǵystardy ulǵaıtýǵa baǵyttalǵan shyǵystar jatady.
7. Oblystyq bıýdjet, respýblıkalyq mańyzy bar qala, astana bıýdjetteri shyǵystarynyń kólemin bazalyq shyǵystarǵa jáne jańa bastamalarǵa oblystyń, respýblıkalyq mańyzy bar qalanyń, astananyń bıýdjettik komıssııasy memlekettik josparlaý jónindegi jergilikti ýákiletti organnyń usynystary negizinde jergilikti bıýdjettik baǵdarlamalar ákimshileriniń arasynda bóledi.
Bazalyq shyǵystar shyǵystardyń qoldanystaǵy qurylymy men boljamdy makroekonomıkalyq kórsetkishter negizinde eseptelgen kezekti josparly kezeńniń úshinshi jylyna arnalǵan boljamdy kólemderdi qosa otyryp, aǵymdaǵy josparly kezeńniń ekinshi jáne úshinshi jyldary shyǵystarynyń bekitilgen kólemi negizinde aıqyndalady.
Jańa bastamalarǵa arnalǵan shyǵystar jergilikti bıýdjettik baǵdarlamalar ákimshileriniń arasynda strategııalyq jáne baǵdarlamalyq qujattarda belgilengen óńirdiń damý basymdyqtaryn, esepti qarjy jylynyń bıýdjettik monıtorıng nátıjelerin, esepti qarjy jylyndaǵy strategııalyq jospardy iske asyrý týraly esepterdi, nátıjelerdi baǵalaýdy eskere otyryp bólinýge tıis.
8. Bıýdjettik baǵdarlamalar ákimshisiniń jańa bastamalarǵa arnalǵan shyǵystardy josparlaýy qosymsha bıýdjet qarajatyn bólý esebinen de, aldyńǵy josparly kezeńde oblystyq bıýdjet týraly, respýblıkalyq mańyzy bar qalanyń, astananyń bıýdjetteri týraly máslıhat sheshiminde bekitilgen osy bıýdjettik baǵdarlamalar ákimshisiniń bazalyq shyǵystar qarajatyn qaıta bólý esebinen de júzege asyrylady.
9. Eger jekelegen bıýdjettik baǵdarlamalar boıynsha aldyńǵy josparly kezeńniń ekinshi jáne úshinshi jyldarynyń shyǵystar somasy oblystyq bıýdjet týraly, respýblıkalyq mańyzy bar qalanyń, astananyń bıýdjetteri týraly máslıhat sheshiminde osy baǵdarlamalar boıynsha bekitilgen somamen salystyrǵanda ózgermeıtin bolsa, onda osy baǵdarlamalar (kishi baǵdarlamalar) shyǵystarynyń túrleri boıynsha esepteýler jasalmaıdy.
Osy baǵdarlamalar shyǵystarynyń túrleri boıynsha esepteýler úshinshi jylǵa ǵana jasalady.
Eger jekelegen bıýdjettik baǵdarlamalar boıynsha aldyńǵy josparly kezeńniń ekinshi jáne (nemese) úshinshi jyldarynyń shyǵystar somasy oblystyq bıýdjet týraly, respýblıkalyq mańyzy bar qalanyń, astananyń bıýdjetteri týraly máslıhat sheshiminde osy baǵdarlamalar boıynsha bekitilgen somamen salystyrǵanda ózgeretin bolsa, onda shyǵystar túrleri boıynsha esepter osy baǵdarlamalarǵa (kishi baǵdarlamalarǵa) josparlanatyn josparly kezeń jyldary bólinisinde jasalady jáne usynylady.
10. Memlekettik josparlaý jónindegi jergilikti ýákiletti organ esepti qarjy jylyndaǵy jergilikti bıýdjettiń atqarylýyn taldaýdyń jáne bıýdjet qarajatyn basqarý jónindegi memlekettik organ qyzmetiniń tıimdiligin baǵalaýdyń nátıjelerin eskere otyryp:
1) jergilikti bıýdjettik baǵdarlamalar ákimshileriniń bıýdjettik ótinimderin olardyń Qazaqstan Respýblıkasynyń bıýdjet jáne ózge de zańnamasyna, oblystyń, respýblıkalyq mańyzy bar qalanyń, astananyń áleýmettik-ekonomıkalyq damý boljamyna, aýmaqtardy damytý baǵdarlamasynyń kórsetkishterine jáne qoldanystaǵy zattaı normalarǵa sáıkestigi turǵysynan qaraıdy, bul rette bıýdjettik ótinimderdi qaraý kezinde árbir bıýdjettik baǵdarlama boıynsha shyǵystardyń túrleri boıynsha esep aıyrysý kezinde baǵdar retinde Qazaqstan Respýblıkasynyń memlekettik satyp alý týraly zańnamasynda belgilengen taýarlar, jumystar, kórsetiletin qyzmetter baǵalarynyń derekqory da paıdalanylady;
2) jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalaryn olardyń bıýdjettik baǵdarlamalar ákimshisiniń fýnksııalaryna, ókilettikterine, qyzmetiniń baǵyttaryna sáıkestigi turǵysynan qaraıdy.
11. Jergilikti bıýdjettik baǵdarlamalar ákimshileriniń tıisti josparly kezeńge arnalǵan bıýdjettik ótinimderin qaraý kezinde memlekettik josparlaý jónindegi jergilikti ýákiletti organ:
1) ótken qarjy jylyndaǵy bıýdjettik baǵdarlamalardyń atqarylýyn taldaý jáne olardy kelesi josparly kezeńge arnalǵan bıýdjettik ótinimde usynylǵan bıýdjettik baǵdarlamalardyń somalarymen salystyrý jolymen ótken qarjy jylyndaǵy oblystyq bıýdjettiń, respýblıkalyq mańyzy bar qala, astana bıýdjetteriniń atqarylý nátıjelerin, árbir bıýdjettik baǵdarlama boıynsha bıýdjet qarajatynyń ıgerilmeýine ákep soqtyrǵan sebepterdi;
2) jergilikti bıýdjettik baǵdarlamalar ákimshileri usynǵan esepti qarjy jylyndaǵy strategııalyq josparlardyń iske asyrylýy týraly esepterdi jáne bıýdjettik baǵdarlamalardyń nátıjelerine qol jetkizý bóliginde bıýdjet qarajatyn basqarý jónindegi memlekettik organdar qyzmetiniń tıimdiligin baǵalaý nátıjelerin;
3) jergilikti bıýdjettik baǵdarlamalardyń ákimshileri ótinim bergen shyǵystardy onyń negizdiligi turǵysynan qaraý bóliginde ótken qarjy jylyndaǵy oblystyq bıýdjettiń, respýblıkalyq mańyzy bar qala, astana bıýdjetteriniń atqarylýy týraly esepke oblystardyń, respýblıkalyq mańyzy bar qalalardyń, astananyń tekserý komıssııalary bergen qorytyndylary men usynymdaryn eskeredi;
4) memlekettik ınvestısııalyq jobalar boıynsha bıýdjet zańnamasyna sáıkes qujattamanyń bolýy, sondaı-aq bıýdjettik ınvestısııalardy iske asyrýdan ekonomıkalyq jáne áleýmettik qaıtarymdylyqtyń uzaq merzimdi kórsetkishterin eskere otyryp, monıtorıngileý men baǵalaý nátıjeleri eskeriledi;
5) bıýdjettik kredıtter boıynsha kredıttik shart talaptarynyń oryndalýy jáne bıýdjettik kredıttiń nysanaly maqsaty boıynsha paıdalanylýy eskeriledi;
6) nysanaly damý transfertteri boıynsha maqsattar men mindetterge qol jetkizýdi taldaý eskeriledi, olardyń sheshilýine nysanaly transfertter boıynsha kelisimderdiń jobalarynda kózdelgen nysanaly damý transfertteri bólinedi.
Bıýdjettik ótinimniń jasalýy men usynylýy boıynsha Qazaqstan Respýblıkasynyń bıýdjet zańnamasynyń talaptaryna sáıkes kelmegen kezde memlekettik josparlaý jónindegi jergilikti ýákiletti organ ony qaramastan jergilikti bıýdjettik baǵdarlamalardyń ákimshisine qaıtarady.
12. Qaıtarylǵan jaǵdaıda, jergilikti bıýdjettik baǵdarlamalardyń ákimshileri jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalaryn, bıýdjettik ótinimderdi pysyqtaıdy jáne olardy qaıtarylǵan kúninen bastap bes jumys kúni ishinde memlekettik josparlaý jónindegi jergilikti ýákiletti organǵa usynady.
Memlekettik josparlaý jónindegi jergilikti ýákiletti organ bıýdjettik ótinimderdi, jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalaryn qaraý qorytyndysy boıynsha kelip túsken kúninen bastap on bes jumys kúni ishinde bıýdjettik ótinimder jáne jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalary boıynsha qorytyndylar qalyptastyrady jáne oblystyń, respýblıkalyq mańyzy bar qalanyń, astananyń bıýdjet komıssııasynyń qaraýyna joldaıdy.
13. Jergilikti bıýdjettik baǵdarlamalardyń ákimshileri men memlekettik josparlaý jónindegi jergilikti ýákiletti organ arasyndaǵy kelispeýshilikterdi oblystyń, respýblıkalyq mańyzy bar qalanyń, astananyń bıýdjet komıssııasy qaraıdy.
Oblystyń, respýblıkalyq mańyzy bar qalanyń, astananyń bıýdjet komıssııasy Qaǵıdalardyń 10 jáne 12-tarmaqtarda kórsetilgen materıaldardy qaraıdy jáne olar boıynsha usynystar ázirleıdi.
14. Jergilikti bıýdjettik baǵdarlamalardyń ákimshileri oblystyń, respýblıkalyq mańyzy bar qalanyń, astananyń bıýdjet komıssııasynyń usynystaryna sáıkes aǵymdaǵy qarjy jylynyń 1 qyrkúıegine deıingi merzimde pysyqtalǵan bıýdjettik ótinimderdi, jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalaryn memlekettik josparlaý jónindegi jergilikti ýákiletti organǵa usynady.
3. Máslıhattyń oblystyq bıýdjet, respýblıkalyq mańyzy bar
qala, astana bıýdjeti týraly sheshiminiń jobasyn ázirleý
15. Memlekettik josparlaý jónindegi jergilikti ýákiletti organ oblystyń, respýblıkalyq mańyzy bar qalanyń, astananyń áleýmettik-ekonomıkalyq damýy boljamynyń negizinde oblystyq bıýdjet, respýblıkalyq mańyzy bar qala, astana bıýdjetteriniń jobasyn jasaıdy jáne ony oblystyń, respýblıkalyq mańyzy bar qalanyń, astananyń bıýdjet komıssııasynyń qaraýyna engizedi.
Oblystyq bıýdjettiń, respýblıkalyq mańyzy bar qala, astana bıýdjetteriniń jobasyn qaraý jáne aıqyndaý aǵymdaǵy qarjy jylynyń 15 qyrkúıeginen keshiktirmeı aıaqtalady.
16. Memlekettik josparlaý jónindegi jergilikti ýákiletti organ oblystyń, respýblıkalyq mańyzy bar qala, astana bıýdjet komıssııasynyń oblys, respýblıkalyq mańyzy bar qala, astana bıýdjetiniń jobasy boıynsha usynystary negizinde oblys, respýblıkalyq mańyzy bar qala, astana bıýdjetiniń jobasyn ázirleıdi jáne ony aǵymdaǵy qarjy jylynyń 1 qazanynan keshiktirmeı oblystyń, respýblıkalyq mańyzy bar qalanyń, astananyń jergilikti atqarýshy organynyń qaraýyna usynady.
17. Oblystyq bıýdjet, respýblıkalyq mańyzy bar qalanyń, astananyń bıýdjetteri týraly máslıhat sheshiminiń jobasy Qazaqstan Respýblıkasy Bıýdjet kodeksiniń 13-babynda kózdelgen bıýdjet qurylymy boıynsha jáne Qazaqstan Respýblıkasy Bıýdjet kodeksiniń 72-babynda kózdelgen talaptardy eskere otyryp ázirlenedi.
18. Oblystyq bıýdjettiń, respýblıkalyq mańyzy bar qala, astana bıýdjetiniń jobasyn oblystyń, respýblıkalyq mańyzy bar qalanyń, astananyń jergilikti atqarýshy organy Qazaqstan Respýblıkasy Bıýdjet kodeksiniń 75-babynyń 1-tarmaǵynda kózdelgen tártippen aǵymdaǵy qarjy jylynyń 15 qazanynan keshiktirmeı tıisti máslıhatqa engizedi.
Oblystyń, respýblıkalyq mańyzy bar qalanyń, astananyń jergilikti atqarýshy organy oblystyq bıýdjettiń, respýblıkalyq mańyzy bar qala, astana bıýdjetteriniń jobasymen bir mezgilde mynadaı qujattar men materıaldardy:
oblystyń, respýblıkalyq mańyzy bar qalanyń, astananyń áleýmettik-ekonomıkalyq damýynyń boljamyn;
jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalaryn;
bıýdjettik baǵdarlamalardyń bıýdjettik kishi baǵdarlamalary bólinisinde bıýdjet qarajatynyń jumsalý baǵytyn naqtylaıtyn aqparatty jáne oblystyq bıýdjet, respýblıkalyq mańyzy bar qala, astana bıýdjetteriniń jobasyna engizilgen sheshimderdi ashyp kórsetetin túsindirme jazbany usynady.
4. Aýdannyń (oblystyq mańyzy bar qalanyń) bıýdjetinen qarjylandyrylatyn jergilikti
bıýdjettik baǵdarlamalar ákimshileriniń bıýdjettik baǵdarlamalarynyń jobalaryn jáne bıýdjettik ótinimderin ázirleý
19. Aýdannyń (oblystyq mańyzy bar qalanyń) bıýdjet shyǵystaryn josparlaý úshin jergilikti bıýdjettik baǵdarlamalardyń ákimshileri bıýdjettik ótinimderdi, bıýdjettik baǵdarlamalar ákimshileriniń bıýdjettik baǵdarlamalarynyń jobalaryn ázirleıdi jáne aǵymdaǵy qarjy jylynyń 15 mamyryna deıingi merzimde memlekettik josparlaý jónindegi jergilikti ýákiletti organǵa usynady.
Nátıjelerge baǵalaý júrgizilgen jaǵdaıda, atalǵan Qaǵıdalardyń osy tarmaǵynda kórsetilgen qujattarǵa baǵalaý nátıjeleri qosa beriledi.
20. Aýdannyń (oblystyq mańyzy bar qalanyń) bıýdjet shyǵystary bazalyq shyǵystar men jańa bastamalarǵa arnalǵan shyǵystar bolyp bólinedi.
Turaqty sıpattaǵy shyǵystar, kúrdeli shyǵystar, sondaı-aq bastalǵan (jalǵasatyn) bıýdjettik ınvestısııalyq jobalarǵa jáne qabyldanǵan memlekettik konsessııalyq mindettemelerdi oryndaýǵa jumsalatyn shyǵystar bazalyq shyǵystar bolyp tabylady.
Memlekettik fýnksııalardy, ókilettikterdi oryndaýǵa jáne memlekettik qyzmetter kórsetýge jáne de jergilikti atqarýshy organnyń basqa da mindettemelerine baılanysty shyǵystar turaqty sıpattaǵy shyǵystar bolyp tabylady.
Jańa bastamalarǵa arnalǵan shyǵystarǵa:
keıinnen jańa bıýdjettik baǵdarlamalar boıynsha qarjylandyrylatyn strategııalyq jáne baǵdarlamalyq qujattarǵa sáıkes áleýmettik-ekonomıkalyq damýdyń jańa basym baǵyttaryn iske asyrýǵa;
makroekonomıkalyq jáne áleýmettik kórsetkishterdiń ózgerýine baılanysty emes jáne is júzindegi bıýdjettik baǵdarlamalar sheńberinde bıýdjet qarajatyn jumsaýdyń qosymsha baǵyttaryn (oryndalatyn memlekettik fýnksııalar, ókilettikter jáne kórsetiletin memlekettik qyzmetter kólemin keńeıtýdi) kózdeıtin bazalyq shyǵystardy ulǵaıtýǵa baǵyttalǵan shyǵystar jatady.
21. Aýdannyń (oblystyq mańyzy bar qalanyń) bıýdjet shyǵystarynyń kólemi bazalyq shyǵystarǵa jáne jańa bastamalarǵa aýdannyń (oblystyq mańyzy bar qalanyń) bıýdjettik komıssııasy memlekettik josparlaý jónindegi jergilikti ýákiletti organnyń usynystary negizinde jergilikti bıýdjettik baǵdarlamalar ákimshileriniń arasynda bólinedi.
Bazalyq shyǵystar shyǵystardyń qoldanystaǵy qurylymy men boljamdy makroekonomıkalyq kórsetkishteri negizinde eseptelgen kezekti josparly kezeńniń úshinshi jylyna arnalǵan boljamdy kólemderdi qosa otyryp aǵymdaǵy josparly kezeńniń ekinshi jáne úshinshi jyldary shyǵystarynyń bekitilgen kólemi negizinde anyqtalady.
Jańa bastamalarǵa arnalǵan shyǵystar jergilikti bıýdjettik baǵdarlamalar ákimshileriniń arasynda strategııalyq jáne baǵdarlamalyq qujattarda belgilengen óńirdiń damý basymdyqtaryn, esepti qarjy jylynyń bıýdjettik monıtorıng nátıjelerin, nátıjelerdi baǵalaýdy eskere otyryp bólinýge jatady.
22. Jergilikti bıýdjettik baǵdarlamalar ákimshisiniń jańa bastamalarǵa arnalǵan shyǵystardy josparlaýy qosymsha bıýdjet qarajatyn bólý esebinen sııaqty buǵan deıingi josparly kezeńde aýdannyń (oblystyq mańyzy bar qalanyń) bıýdjet týraly máslıhat sheshiminde bekitilgen osy bıýdjettik baǵdarlamalar ákimshisiniń bazalyq shyǵystar qarajatyn qaıta bólý esebinen de júzege asyrylady.
23. Eger jekelegen bıýdjettik baǵdarlamalar boıynsha buǵan deıingi josparly kezeńniń ekinshi jáne úshinshi jyldarynyń shyǵystar somasy aýdannyń (oblystyq mańyzy bar qalanyń) bıýdjeti týraly máslıhat sheshiminde osy baǵdarlamalar boıynsha bekitilgen somamen salystyrǵanda ózgermeıtin bolsa, onda osy baǵdarlamalar (kishi baǵdarlamalar) shyǵystarynyń túrleri boıynsha esepter jasalmaıdy.
Osy baǵdarlamalar shyǵystarynyń túrleri boıynsha esepter tek qana úshinshi jylǵa jasalady.
Eger jekelegen bıýdjettik baǵdarlamalar boıynsha buǵan deıingi josparly kezeńniń ekinshi jáne úshinshi jyldarynyń shyǵystar somasy aýdannyń (oblystyq mańyzy bar qalanyń) bıýdjeti týraly máslıhat sheshiminde osy baǵdarlamalar boıynsha bekitilgen somamen salystyrǵanda ózgeretin bolsa, onda osy baǵdarlamalar (kishi baǵdarlamalar) boıynsha shyǵystar túrleri boıynsha esepter josparlanǵan josparly kezeńniń jyldary bólinisinde jasalady jáne beriledi.
24. Memlekettik josparlaý jónindegi jergilikti ýákiletti organ esepti qarjy jylynda bıýdjettiń atqarylýyn taldaýdyń jáne bıýdjet qarajatyn basqarý jónindegi memlekettik organ qyzmetiniń tıimdiligin baǵalaýdyń nátıjelerin eskere otyryp:
1) jergilikti bıýdjettik baǵdarlamalar ákimshileriniń bıýdjettik ótinimderin olardyń Qazaqstan Respýblıkasynyń bıýdjet jáne ózge de zańnamasyna, oblystyń, respýblıkalyq mańyzy bar qalanyń, astananyń áleýmettik-ekonomıkalyq damý boljamyna, aýmaqtardy damytý baǵdarlamasynyń kórsetkishterine jáne qoldanystaǵy zattaı normalarǵa sáıkestigi turǵysynan qaraıdy, bul rette bıýdjettik ótinimderdi qaraý kezinde árbir bıýdjettik baǵdarlama boıynsha shyǵystardyń túrleri boıynsha esep aıyrysý kezinde baǵdar retinde Qazaqstan Respýblıkasynyń memlekettik satyp alý týraly zańnamasynda belgilengen taýarlar, jumystar, kórsetiletin qyzmetter baǵalarynyń derekqory da paıdalanylady;
2) jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalaryn olardyń bıýdjettik baǵdarlamalar ákimshisiniń fýnksııalaryna, ókilettikterine, qyzmetiniń baǵyttaryna sáıkestigi turǵysynan qaraıdy.
25. Jergilikti bıýdjettik baǵdarlamalar ákimshileriniń tıisti josparly kezeńge arnalǵan bıýdjettik ótinimderin qaraý kezinde memlekettik josparlaý jónindegi jergilikti ýákiletti organ:
1) ótken qarjy jylyndaǵy bıýdjettik baǵdarlamalardyń atqarylýyn taldaý jáne olardy kelesi josparly kezeńge arnalǵan bıýdjettik ótinimde usynylǵan bıýdjettik baǵdarlamalardyń somalarymen salystyrý jolymen ótken qarjy jylyndaǵy aýdan (oblystyq mańyzy bar qala) bıýdjetiniń atqarylý nátıjelerin, árbir bıýdjettik baǵdarlama boıynsha bıýdjet qarajatynyń ıgerilmeýine ákep soqtyrǵan sebepterdi;
2) jergilikti bıýdjettik baǵdarlamalar ákimshileri ótinim bergen shyǵystardy olardyń negizdiligi turǵysynan qaraý bóliginde ótken qarjy jylyndaǵy aýdan (oblystyq mańyzy bar qala) bıýdjetiniń atqarylýy týraly esebine oblystardyń tekserý komıssııalary bergen qorytyndylar men usynymdardy eskeredi;
3) memlekettik ınvestısııalyq jobalar boıynsha bıýdjet zańnamasyna sáıkes qujattamanyń bolýy, sondaı-aq bıýdjettik ınvestısııalardy iske asyrýdan ekonomıkalyq jáne áleýmettik qaıtarymdylyqtyń uzaq merzimdi kórsetkishterin eskere otyryp, monıtorıngileý men baǵalaý nátıjeleri eskeriledi;
4) bıýdjettik kredıtter boıynsha kredıttik shart talaptaryn oryndaý jáne nysanaly maqsat boıynsha bıýdjettik kredıtti paıdalaný eskeriledi.
Bıýdjettik ótinim onyń jasalýy men usynylýy boıynsha Qazaqstan Respýblıkasynyń bıýdjet zańnamasynyń talaptaryna sáıkes kelmegen kezde, memlekettik josparlaý jónindegi jergilikti ýákiletti organ, ony qaramastan jergilikti bıýdjettik baǵdarlamalardyń ákimshisine qaıtarady.
26. Qaıtarylǵan jaǵdaıda, jergilikti bıýdjettik baǵdarlamalardyń ákimshileri jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalaryn, bıýdjettik ótinimderdi pysyqtaıdy jáne olardy qaıtarylǵan kúnnen bastap bes jumys kúni ishinde memlekettik josparlaý jónindegi jergilikti ýákiletti organǵa usynady.
Memlekettik josparlaý jónindegi jergilikti ýákiletti organ bıýdjettik ótinimderdi, jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalaryn qaraý qorytyndysy boıynsha kelip túsken kúninen bastap on bes jumys kúni ishinde bıýdjettik ótinimder jáne jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalary boıynsha qorytyndylar qalyptastyrady jáne aýdannyń (oblystyq mańyzy bar qalanyń) bıýdjet komıssııasynyń qaraýyna jiberedi.
27. Jergilikti bıýdjettik baǵdarlamalar ákimshileri men memlekettik josparlaý jónindegi jergilikti ýákiletti organ arasyndaǵy kelispeýshilikterdi aýdannyń (oblystyq mańyzy bar qalanyń) bıýdjet komıssııasy qaraıdy.
Aýdannyń (oblystyq mańyzy bar qalanyń) bıýdjet komıssııasy osy Qaǵıdalardyń 24 jáne 26-tarmaqtarda kórsetilgen materıaldardy qaraıdy jáne olar boıynsha usynystar ázirleıdi.
28. Jergilikti bıýdjettik baǵdarlamalardyń ákimshileri aýdannyń (oblystyq mańyzy bar qalanyń) bıýdjet komıssııasynyń usynystaryna sáıkes aǵymdaǵy qarjy jylynyń 15 qyrkúıegine deıingi merzimde pysyqtalǵan bıýdjettik ótinimderdi, jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalaryn memlekettik josparlaý jónindegi jergilikti ýákiletti organǵa usynady.
5. Aýdannyń (oblystyq mańyzy bar qalanyń) bıýdjeti
týraly máslıhat sheshiminiń jobasyn ázirleý
29. Memlekettik josparlaý jónindegi jergilikti ýákiletti organ oblystyń áleýmettik-ekonomıkalyq damý boljamy negizinde josparly kezeńge arnalǵan aýdannyń (oblystyq mańyzy bar qalanyń) bıýdjet jobasyn jasaıdy jáne ony aýdannyń (oblystyq mańyzy bar qalanyń) bıýdjet komıssııasynyń qaraýyna engizedi.
Aýdannyń (oblystyq mańyzy bar qalanyń) josparly kezeńge arnalǵan bıýdjet jobasyn qaraý jáne anyqtaý aǵymdaǵy qarjy jylynyń 1 qazanynan keshiktirmeı aıaqtalady.
30. Memlekettik josparlaý jónindegi jergilikti ýákiletti organ aýdannyń (oblystyq mańyzy bar qalanyń) josparly kezeńge arnalǵan bıýdjetiniń jobasy boıynsha aýdannyń (oblystyq mańyzy bar qalanyń) bıýdjet komıssııasynyń usynystary negizinde aýdannyń (oblystyq mańyzy bar qalanyń) josparly kezeńge arnalǵan bıýdjeti týraly máslıhat sheshiminiń jobasyn ázirleıdi jáne ony aǵymdaǵy qarjy jylynyń 15 qazanynan keshiktirmeı aýdannyń (oblystyq mańyzy bar qalanyń) jergilikti atqarýshy organynyń qaraýyna usynady.
31. Aýdannyń (oblystyq mańyzy bar qalanyń) bıýdjeti týraly máslıhat sheshiminiń jobasy Qazaqstan Respýblıkasy Bıýdjet kodeksiniń 13-babynda kózdelgen bıýdjet qurylymy boıynsha jáne Qazaqstan Respýblıkasy Bıýdjet kodeksiniń 73-babynda kózdelgen talaptar eskerile otyryp ázirlenedi.
32. Aýdannyń (oblystyq mańyzy bar qalanyń) josparly kezeńge arnalǵan bıýdjetiniń jobasyn jergilikti atqarýshy organ Qazaqstan Respýblıkasy Bıýdjet kodeksiniń 75-babynyń 1-tarmaǵynda kózdelgen tártippen aǵymdaǵy qarjy jylynyń 1 qarashasynan keshiktirmeı tıisti máslıhatqa engizedi.
Aýdannyń (oblystyq mańyzy bar qalanyń) jergilikti atqarýshy organy aýdan (oblystyq mańyzy bar qala) bıýdjetiniń jobasymen bir mezgilde mynadaı qujattar men materıaldardy:
oblystyq áleýmettik-ekonomıkalyq damýynyń boljamyn;
jergilikti bıýdjettik baǵdarlamalar ákimshileriniń bıýdjettik baǵdarlamalarynyń jobalaryn;
bıýdjettik baǵdarlamalardyń bıýdjettik kishi baǵdarlamalary bólinisinde bıýdjet qarajatynyń jumsalý baǵyttaryn naqtylaıtyn aqparatty jáne aýdan (oblystyq mańyzy bar qala) bıýdjetiniń jobasyna engizilgen sheshimderdi ashyp kórsetetin túsindirme jazbany usynady.
Buıryq Qazaqstan Respýblıkasynyń Ádilet mınıstrliginde 2014 jylǵy 10 jeltoqsanda Normatıvtik quqyqtyq kesimderdi memlekettik tirkeýdiń tizilimine №9950 bolyp engizildi.