Memleket basshysy Qasym-Jomart Toqaevtyń Ǵylym jáne tehnologııalar jónindegi ulttyq keńestiń otyrysynda sóılegen sózinde mańyzdy bes fokýs ataldy.
Árbir fokýs qoǵamnyń kúre tamyrynyń tynysyn keńeıtetin jol ǵylymnan izdelýinde. Birinshi fokýs: Ǵylymnyń áleýetin tehnogendik jáne tabıǵı apattardy boljaý, klımattyń ózgerýine qarsy kúresý úshin barynsha paıdalaný. Bul oraıda, ǵylymı derekqorlaryna osy saladaǵy eń ozyq zertteýler, irgeli jáne qoldanbaly nátıjelerge monıtorıng júrgizý, nátıjesinde tıimdi sheshý mehnızmderin jasaý qajet dep oılaımyz. BUU aıasynda 2026 jyly Qazaqstanda Aımaqtyq klımat sammıtinde klımattyń ózgerýine qarsy kúresýde otandyq ǵalymdardyń ortaq sheshimderine, zertteý náıjejelerine jetýde mundaı zertteýler maqsatty bolmaq.
Ekinshi fokýs: Elimizdegi ǵylymı ekonomıkasy damýynda birneshe strategııany atap ótsek, ǵylymı zertteýler men ázirlemelerge ınvestısııa (munaı servısi men munaı hımııasy). О́nerkásiptegi ınnovasııany yntalandyrý (Qarapaıym zattar týraly ǵylym).
Bilim berý júıesi men ǵylym kadrlaryn daıarlaýdy damytý (Tarazdaǵy gıdromelıoratıvtik-qurylys ınstıtýty). Ǵylymı ázirlemelerdiń tehnologııalyq transferi men kommersııalandyrýdy árekettestirý (Qazaqstan ekonomıkasyn dekarbonızasııalaý). Bastysy: ınnovasııalyq klımat pen quqyqtyq retteýdi jaqsartý (jańartylatyn energııa kózderi salasynda).
Úshinshi fokýs: Bizdiń ómirimizge batyl engen jasandy ıntellekt. Bul salada keıbir qadamdardy atap ótsek: kadrlardy oqytý men daıarlaý, jasandy ıntellekt ekojúıesin qurý, standarttaý men quqyqtyq retteý (Artificial Intelligence Act), qoǵamdyq qyzmette jasandy ıntellekt qoldaný. Bul tájirıbe Qazaqstan jaǵdaıynda oń nátıje beredi dep senemiz.
Tórtinshi fokýs: Jańartylatyn ınfraqurylym. «Ál-Farabı atyndaǵy Qazaq ulttyq ýnıversıteti úshin jańa ǵımarattar, ıaǵnı kampýs salynady», dep atap ótti. Ýnıversıtet kampýsy qurylysynyń jańa kezeńine serpin beredi. Sondaı-aq elde klınıkalyq zertteýler habyn qurý - postpandemııa kezeńindegi eldiń densaýlyǵyn qorǵaý isinde eń basty ınvestısııa bolmaq.
Besinshi fokýs: Prezıdenttiń ǵylymdaǵy «Adam kapıtaly» týraly órkenıetti pikirin tolyq qoldaımyz. Ǵylym adamy - elde bolyp jatqan tabıǵı apattarmen kúresten bastap, olardyń aldyn alýda aqyl-oıdyń kenishi, sheshim men árekettiń generatory sanalady. Prezıdenttiń sózinde erekshe baǵyt ataldy. Ol «ındýstrıaldy PhD» daıarlaý týraly sóz qozǵady. Bul salada Ál-Farabı atyndaǵy Qazaq ulttyq ýnıversıtetiniń ǵalymdary birlese jańa baǵdarlama usynary sózsiz.
Gúlmıra Sultanbaeva