Kókshetaýda Aqmola oblysynyń «Týǵan jer» Otan dańqy qoǵamdyq mýzeıleri baıqaýynyń jeńimpazdaryn saltanatty marapattaý sharasy ótti.
Shara eldiń «Qazaqstan joly – 2050: bir maqsat, bir múdde, bir bolashaq» atty áleýmettik-ekonomıkalyq damý strategııasy men «Máńgilik El» ulttyq ıdeıasy negizinde Otan jastaryn patrıottyq rýhta tárbıeleý maqsatynda uıymdastyrylǵan.
Baıqaýǵa 200-den astam qoǵamdyq mýzeı men mýzeı tıptes qurylymdar, mádenıet uıymdary, bilim berý, sport júıeleri, balalar, jastar, ardagerlerdiń qoǵamdyq qurylymdary, ulttyq mádenıet ortalyqtary qatysty.
Baıqaý eki kezeńmen ári tartysty ótkenin aıtý kerek. Onyń jeńimpazdary retinde túrli atalymdar boıynsha top jarǵan Aqmola oblysynyń 24 qoǵamdyq mýzeıi iriktep alyndy. Baıqaýdyń barlyq qatysýshylary túrli dıplomdarmen, arnaıy tósbelgilermen, qundy syılyqtarmen, alǵys hat jáne maqtaý qaǵazdarymen, sertıfıkattarmen marapattaldy.
«Egemen-aqparat».