Ustalǵan turǵyndardan «mefedron» esirtki zaty tárkilendi, dep habarlaıdy Egemen.kz Polisia.kz saıtyna silteme jasap.
Jambyl oblysynyń Polısııa departamenti sıntetıkalyq esirtki satýshylardyń qyzmetin toqtatty. Ustalǵandar ýaqytsha ustaý ızolıatoryna qamaýǵa alyndy.
«Uzaq ýaqyt boıy júrgizilgen jedel-tergeý is-sharalar kesheniniń nátıjesinde esirtki quraldarynyń zańsyz aınalymyna qatysy bar 2 kúdikti – Taraz qalasynyń 34 jáne 32 jastaǵy turǵyndary anyqtalyp, ustaldy. Olar sıntetıkalyq esirtkini oblys ortalyǵy aýmaǵynda taratqan. Izdestirý is-sharalaryn júrgizý barysynda kúdiktilerdiń biriniń úıindegi jatyn bólmesinen jalpy salmaǵy 122,37 gr mefedron sıntetıkalyq zaty jasyrylǵan oryn tabyldy. Nátıjesinde 330-dan astam doza esirtkiniń taralýyna jol berilmedi, onyń qara naryqtaǵy quny - 5,5 mıllıon teńge», dedi esirtki qylmysyna qarsy is-qımyl basqarmasynyń bastyǵy Álim Bajyqbaev.