Keshe palata Spıkeri Qabıbolla Jaqypovtyń tóraǵalyǵymen Májilis bıýrosy ótip, jańa jyldaǵy alǵashqy jalpy otyrystyń kún tártibi naqtylandy, dep habarlady osy palatanyń baspasóz qyzmeti.
Depýtattar talqysyna balalardyń densaýlyǵy men damýyna zııanyn tıgizetin aqparattan qorǵaýǵa qatysty zań jobasy, «Halyq densaýlyǵy jáne densaýlyq saqtaý júıesi týraly» Kodekske ózgerister, sondaı-aq, zııatkerlik menshik salasyn quqyqtyq retteý máselelerine baılanysty jańa engizilimder ekinshi oqylymda usynylmaq.
Sonymen qatar, osy kúni halyq qalaýlylary birqatar jańa zań jobalaryn jumysqa qabyldaıdy. Olardyń qatarynda Qazaqstan men О́zbekstan arasyndaǵy Adamdardyń readmıssııasy týraly kelisimdi, Halyqaralyq Qaıta qurý jáne Damý banki arasyndaǵy «Qazaqstanda energııa tıimdiligin arttyrý» jobasy boıynsha grant týraly kelisimdi, Eýrazııalyq ekonomıkalyq komıssııanyń básekelestiktiń biryńǵaı qaǵıdalarynyń saqtalýyn baqylaý jónindegi ókilettikterdi júzege asyrýy kezinde qupııa aqparatty qorǵaý tártibi jáne ony jarııa etkeni úshin jaýaptylyq týraly kelisimdi ratıfıkasııalaýǵa, sondaı-aq, qylmystyq-atqarý zańnamasyn jetildirý máseleleri boıynsha zańnamalyq túzetýlerge qatysty qujattar bar.