Úndistan elshisin qabyldady

Keshe Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Úndistannyń Qazaq­stan­daǵy Tótenshe jáne ókiletti elshisi Harsh Kýmar Djaındy qabyldady, dep habarlady Senattyń baspasóz qyzmeti. Senat Tóraǵasy Qazaq­stan qazir­gi álemdegi bedeldi mem­­leket bolyp tabylatyn Úndistanmen kóp salaly yn­ty­­maq­tastyqty damytýǵa zor mańyz beretinin atap ótti. Tóra­ǵa­nyń pikirinshe, mundaı ynty­­maq­tastyqtyń áleý­eti zor, soǵan baılanysty ony is­ke asy­rýǵa jumyla kúsh salý kerek. Q.Toqaev eki el arasyndaǵy par­lamenttik almasýlardyń mańyz­dylyǵyna toqtaldy. Úndistan elshisi óz eli Qa­zaq­stannyń negizgi halyqaralyq bas­tamalaryn qoldaıtynyn, bizdiń elimizben yntymaqtastyqty damytýǵa múddelilik tanytyp otyrǵanyn málimdedi jáne osy maqsatta joǵary deńgeıdegi kezdesýler uıymdastyrý qajet dep sanaıdy. Senat Tóraǵasy Qazaq­stan­nyń ekonomıkalyq damýynyń loko­motıvine aınalatyn elimiz­diń «Nurly Jol» Jańa Ekono­mıkalyq Saıasatyn meımanǵa tanys­tyrdy jáne úndi kásipker­lerin ony iske asyrýǵa belsendi atsalysýǵa shaqyrdy. Álemdik jáne dástúrli din­der kóshbasshylary sezi Hat­shy­lyǵynyń basshysy retinde Q.To­qaev Sezdi shaqyrý jónindegi Qazaqstan bastamalaryn damytýǵa kóptegen jyldar boıy belsendi qatysqany úshin Ún­distan ókilderine rızashylyq bil­dirdi. «Bıylǵy maýsym aıynda Asta­nada V Sezd ótedi, ol dinı kósh­bas­shylar men saıası qaıratker­lerdiń beıbitshilik jáne damý jolyndaǵy únqatysýyna arnalady. Aldaǵy forým jer júzindegi ornyqty beıbitshilik pen kelisim jolyndaǵy dinı kóshbasshylar men saıasatkerlerdiń ózara is-qımylynyń ońtaıly úlgisin izdestirý jónindegi pikirsaıystar men jańa jasampazdyq ıdeıa­larynyń moldyǵymen este qalady dep oılaımyn», – dedi Senat Tóraǵasy.