Býrabaıǵa demalysqa barǵan mektep oqýshysy velosıpedpen aǵashqa soǵylyp kóz jumdy, dep jazady Egemen.kz.
Aqmola oblysy PD kámelet jasyna tolmaǵan balanyń qaıtys bolǵanyn rastady. Qaýipsizdik talaptaryna saı kelmeıtin qyzmet kórsetý deregi boıynsha qylmystyq is qozǵaldy.
- Aldyn ala anyqtalǵandaı, bala jalǵa alǵan velosıpedpen aǵashqa soǵylǵan. Sonyń saldarynan alǵan dene jaraqatynan oqıǵa ornynda kóz jumdy, — dedi vedomstvodan.
Bilim mekemesindegiler oqıǵanyń qalaı bolǵanyn aıtyp berdi.
10 synypta oqıtyn 18 oqýshy 5 mamyrda synyp jetekshisi men mektep muǵaliminiń jetekshilik etýimen ata-analary jaldaǵan avtobýspen Býrabaıǵa barǵan. Aldyn ala boljam boıynsha olar velosıped jalǵa alǵan. Oqýshylardyń biri velosıpedti ıgere almaı, aǵashqa soǵylǵan. Synyp jektishisi dereý jedel járdem men polısııa shaqyrǵan. Alaıda alǵan aýyr jaraqatynan oqýshy kóz jumdy.
Mektep ákimshiligi bul saıahatty ata-analar komıteti men synyp jetekshi uıymdastyrǵanyn, basshylyqpen kelisilmegenin atap ótti.
Oqıǵanyń mán-jaıyn polısııa anyqtap jatyr.