«Irgesi berik eldi jaý almaıdy, aýyzy bir eldi daý almaıdy». Shyn máninde, bul zaman - bilimge ǵana emes, bilekke de senetin ýaqyt. Bilek dep otyrǵanymyz – eldiń qarýly kúshteri. Áskeriń saqadaı saı turmasa, árkimge jem bolasyń. Búgingi áńgimemiz de elin qorǵaǵan naǵyz erler - Arnaıy maqsattaǵy barlaý rotasynyń jaýyngerleri týraly bolmaq.
Ásker qatarynda qyzmet etip, Otan aldyndaǵy paryzyn óteýge árbir azamat mindetti. Sebebi, týǵan jerdi, eldi, atamekendi qorǵaý – qasıetti borysh. Bul degenimiz – batyrlyq pen tabandylyq, otansúıgishtik pen Otanǵa sheksiz qyzmet etýdiń nyshany. Qaı dáýirde bolsyn, Otan qorǵaý árbir Qazaqstan azamatynyń qasıetti boryshy bolyp kelgen. О́zin er azamatpyn dep sanaıtyn, keýdesinde ar-namysy, boıynda jigeri, júreginde oty bar árbir jan úshin eń basty paryz, eń basty adamı mindet – osy.
Búgin de biz barǵan «Arnaıy maqsattaǵy barlaý rotasy» jaýyngerleri qoıan-qoltyq urystan ózderiniń sheberligin kórsetip, jumystarynyń maqsaty men mindetterin atap ótti.
«Jaýyngerlik daıarlyq turǵydaǵy daıyndyqtyń bir túri - qoıan-qoltyq urysy. Soǵysta da, beıbit ýaqytta da kerek zat. Adam deneni árdaıym shynyqtyryp turý qajet. Sol sebepten biz áskerı qyzmet barysynda osy tásilderdi, qoldanyp, úırenip, jattyǵý barysynda júzege asyramyz. Qoıan-qoltyq urys tásilderin áskerı qyzmetshi jumysqa ornalasqannan bastap eki-úsh juma ýaqyt aralyǵynda úırene alady», deıdi rota starshınasy Qaırat Erasyl.
Onyń aıtýynsha, bul rotanyń basqalardan ereksheligi – «kórinbeı kórý, ólmeı kelý».
Sondaı-aq «Qalqan» arnaıy maqsattaǵy shabýyldaýshy batalonynyń qyzmetimen de tanystyq. Bul batalon biliktiligin arttyrý úshin taktıkalyq jattyǵýlardy jıi ótkizip turady. Bólim qyzmetkerleriniń negizgi mıssııasy – qarýlanǵan toptardy zalalsyzdandyrý.
«Bul jerdegi jaýyngerlerdiń mindetteri – jattyǵý alańynda shabýyldaýshylardy zalalsyzdandyrý, ıaǵnı, kózin joıýǵa is-qımyl jasaıdy. Bul batalon barlyq qoıylǵan talaptardy oryndaıdy», deıdi vzvod serjanty Azamat Ámirbekov.