Qazaqstannń Mádenıet jáne aqparat mınıstrligi batyrlargatagzym.kz portalyn iske qosty, dep habarlaıdyEgemen.kz mınıstrliktiń baspasóz qyzmetine silteme jasap.
Jobanyń negizgi maqsaty – ár batyrdyń tarıhta laıyqty tanylýyn qamtamasyz etý deıdi mınıstrliktegiler.
– Memleket basshysy Ulttyq quryltaıdyń «Adal adam – Adal eńbek – Adal tabys» atty III otyrysynda atap ótkendeı, memleket soǵys jyldarynda teńdesi joq jaýyngerlik jáne eńbek erlikterin jasaǵan otandastarymyzdy el jadynda saqtaý boıynsha júıeli jumys júrgizýde. Saıt ártúrli aqparat kózderinen jınaqtalǵan jáne Qazaqstan halqynyń erliginiń máńgilik eskertkishi bolyp tabylady. Pılottyq joba 2023 jyly iske qosylyp, azamattyq qoǵam men eriktilerdiń úlken qyzyǵýshylyǵyna ıe boldy. Saıttyń fýnksıonaldyq múmkindikteri keńeıtilip, derekter tolyqqandy portalǵa júıelendi, – delingen habarlamada.
Búgingi tańda portalda 100 myńnan astam qazaqstandyq ardager týraly aqparat bar. Ekinshi dúnıejúzilik soǵystyń 80 jyldyǵyna oraı portal barlyq ardagerler týraly derekterdi biriktirýge tyrysady.
– Biz árbir qazaqstandyqty UOS ardagerleri týraly qosymsha aqparat berý arqyly bul jobaǵa óz úlesin qosýǵa shaqyramyz. Kez kelgen adam jeke otbasylyq muraǵattarda saqtalǵan qujattarmen saıtty tolyqtyrýǵa kómektese alady. Bul fotosýretter, qujattar, maıdannan kelgen hattar jáne basqa materıaldar bolýy múmkin, – delingen habarlamada.
Bul portal – Mádenıet jáne aqparat mınıstrliginiń, Memlekettik arhıvterdiń, Qorǵanys mınıstrliginiń, eriktiler men azamattyq qoǵamnyń birlesken jumysynyń nátıjesi bolyp otyr.