Tegeran Halyqaralyq kórmeler kesheninde Iran Islam Respýblıkasynyń VI eksporttyq múmkindikteri kórmesi ótti. Oǵan bes qurlyqtyń 96 elinen 700 saýda jáne ınnovasııalyq kompanııanyń ókilderi, 2200-den asa kásipker men ekonomıka salasynyń sarapshy-mamany qatysty.
Sondaı-aq is-sharaǵa 40 eldiń joǵary laýazymdy saıası jáne ekonomıkalyq qaıratkerleri qatysyp, túrli kommersııalyq kompanııalar arasynda júzdegen kelisimge qol qoıyldy. Bul rette Qazaqstannan jeke sektordyń da kórmege belsendi qatysýy ekijaqty ekonomıkalyq yntymaqtastyqty nyǵaıtý úshin óte mańyzdy boldy. Kórme aıasyndaǵy is-sharalardyń biri – Iran-Qazaqstan birlesken saýda jáne ónerkásiptik palatasy uıymdastyrǵan 300 kompanııa ókilderiniń qatysýymen ótken iskerlik kezdesý.
Kezdesý barysynda qol jetkizilgen kelisimder eki el arasyndaǵy yntymaqtastyqtyń birlesken Jol kartasyn júzege asyrý úshin asa qajet. Onyń negizinde taýar aınalymyn 3 mıllıard dollarǵa deıin jetkizý josparlanyp otyr. Iran men Qazaqstan joǵary laýazymdy tulǵalarynyń iskerlik yntymaqtastyqty keńeıtý jáne eki eldiń Úkimetaralyq komıssııasy otyrystarynyń 19-kezeńiniń ótkizilýi eki el arasyndaǵy berik jiger men ekonomıkalyq yntymaqtastyqtyń jarqyn keleshegin kórsetedi. Al jeke sektor bul rette qozǵaýshy kúshtiń qyzmetin atqaryp otyr.
Iran men Qazaqstan arasyndaǵy iskerlik yntymaqtastyqty keńeıtý sharttarynyń biri – eki eldiń memlekettik jáne jeke sektorlarynyń ózara múmkindikteri týraly tanymyn arttyrý. Eki eldegi mundaı is-sharalarǵa, ásirese, mamandandyrylǵan kórmelerge belsendi qatysý qos taraptyń ekonomıkalyq belsendilerine óz ónimderin ótkizý kezinde baǵa, sapa jáne qolaıly qoljetimdilik sııaqty basqa da saýda artyqshylyqtaryn paıdalanýdyń jaqsy múmkindigi ekeni daýsyz.