Qazaqstannyń qaıyrymdylyq kómegi

Ýkraınanyń ońtústik-shyǵys óńirleri halqy tarapynan úlken rızashylyq sezimderin týǵyzdy Qazaqstan Respýblıkasynyń Prezıdenti Nursultan Nazarbaevtyń tapsyrmasyna sáıkes, el Úkimeti tarapynan Ýkraınanyń ońtústik-shyǵys óńirlerine resmı gýmanıtarlyq kómek kórsetý úshin aqshalaı jáne materıaldyq resýrstar bólinip otyr, dep habarlady Qazaqstan Respýblıkasy Syrtqy ister mınıstrliginiń baspasóz qyzmeti. Máselen, Qazaqstan Respýblı­kasynan Ýkraınaǵa jalpy somasy 69 727 875 teńgeniń azyq-túlik ónimderi jóneltilgen bolsa, ol ústimizdegi jyldyń 10 qańtarynda tapsyryldy. Atap aıtqanda, 127 875 qalbyr et konservileri, 40 tonna qant, 150 tonna qaraqumyq jáne 36 000 lıtr ósimdik maıy berilgen bolatyn. Gýmanıtarlyq júkti Ýkraı­nanyń Tótenshe jaǵdaılar jó­nindegi mem­le­kettik qyzmetiniń ókil­derine Lýgansk oblysynyń Se­verodonesk qala­synda Lýgansk oblystyq mem­le­kettik ákimshi­ligi basshysynyń oryn­basar­la­ry V.E.Grısıshın men O.P.Lısh­nıktiń, Ýkraına Tóten­she jaǵdaılar jónindegi mem­leket­tik qyzmet basshysynyń birin­shi oryn­basary A.P.Boıkonyń, Ha­lyqaralyq uıymdar ókilderi, atap aıtqanda, Halyqaralyq Qyzyl Krest komıtetiniń, BUU-nyń, «Halyqaralyq kómek jáne damý» uıymynyń, «Aleksandr Romanovskıı» qorynyń, sondaı-aq, Ýkraına men Qazaqstannyń buqaralyq aqparat quraldary ókilderiniń qatysýlarymen ótti. Qazaqstan tarapynan sharaǵa Qazaqstannyń Ýkraınadaǵy elshi­ligi men Qazaqstan Respýb­­­lı­kasy Ult­tyq ekonomıka mı­nıstrliginiń memle­kettik materıaldyq rezervter jónin­degi «Rezerv» RMK ókilderi qatysty. Qazaqstan Respýblıkasy elshi­liginiń Ýkraınadaǵy keńesshi-elshisi A.Ospanov Ýkraına tarapyna syılyq sertıfıkatyn tapsyryp turyp bylaı dep atap ótti: «Búgin Ýkraına óziniń qalyptasýy men damýyndaǵy kúrdeli kezeńdi basynan ótkerýde. Osyndaı jaǵdaıda Qazaqstan syrtta qala almaıdy. Qazaqstan Respýblıkasynyń Prezıdenti Nursultan Nazarbaevtyń tapsyrmasyna sáıkes, Ýkraınanyń ońtústik-shyǵys óńirlerindegi muqtaj adamdarǵa jalpy somasy 380 000 AQSh dollary turatyn tek azyq-túlik ónimderi jiberildi». A.Ospanov Ýkraınanyń Tótenshe jaǵdaılar jónindegi memlekettik qyzmeti men Lýgansk oblysy ákimshiliginiń úılesimdi jáne jedel jumysyn atap kórsete kelip, atalǵan gýmanıtarlyq kómekti bólý úderisinde halyqaralyq uıymdardyń naqty kómek qolyn sozatynynan úmittenetinin jetkizdi. Ýkraına tarapy Qazaqstan halqyna kórsetilgen kómegi úshin shyn kóńilden shyqqan rızashylyqtaryn bildirdi. Atap aıtqanda, Lýgansk oblystyq memlekettik ákimshiligi basshysynyń orynbasary Vladımır Grısıshın bylaı dep atap ótti: «Rızashylyq sezimi erneýinen asyp-tógilip tur. Qazaqstan Prezıdenti Nursultan Nazarbaevqa, qazaq halqyna qıyndyqtardy túsingenderi úshin rızashylyq bildirgimiz keledi... Biz sizderdiń kómekterińizge qýanyshtymyz, qazaq halqynyń qoldaýy bizge qazirgideı kúrdeli kezeńde óte mańyzdy. Bul ýkrıanalyqtardyń jalǵyz emestigin, ózara túsinistik bar jerde istiń ońǵarylatynyn ańǵartady. Biz óte rızamyz». О́ziniń rızashylyǵyn, sondaı-aq, Lýgansk oblystyq memlekettik ákimshiligi basshysynyń orynbasary Olga Lıshık te bildirdi: «Búgin Ýkraına Qazaqstan Respýblıkasynan qaıyrymdylyq kómegin alyp otyr, bul biz úshin, onyń ishinde qazirgi kezde belsendi urys-qımyldary júrgizilip jatqan, beıbit turǵyndar zardap shegip otyrǵan bizdiń Donesk jáne Lýgansk oblystary úshin aıtarlyqtaı qoldaý bolyp tabylady. Osyndaı kómekke bastamashylyq tanytqany úshin Nursultan Nazarbaevqa alǵysymdy bildiremin», dedi ol. 2014 jyldyń 6 qazanynda Qazaqstan Respýblıkasy Úkimetiniń tarapynan Ýkraınanyń gýmanıtarlyq qajettilikteri úshin Halyqaralyq Qyzyl Krest komıtetine 30 000 AQSh dollary kóleminde ataýly múshelik jarna aýdarylǵan bolatyn.