Hemıngýeıdiń eń qysqa áńgimesi barsha álem oqyrmanyna málim: «For sale: baby shoes, never worn» («Balalarǵa arnalǵan aıaqkıim satylady. Kıilmegen»). Bir ýaqyttarda jazýshy ózi jazǵan barlyq shyǵarmadan basyp ozatyn alty sózden turatyn jan terbeterlik áńgime jazyp shyǵam dep dostarymen bástesedi. Aqyrynda sol báste utyp shyǵyp, árqaısysynan 10 dollardan qaǵyp alady.
Al aqıqatyna kelsek, Hem aǵaıdyń jazýshylyq mansabynyń bastalýyna deıin amerıkalyq gazetterde balalar aıaqkıimi nemese arba týraly osyndaı habarlandyrýlar jıi shyǵatyn bolǵan. Mundaı habarlandyrýlar týraly túrli avtorlar maqala jazyp, olardy «qysqa áńgimeler» dep atady. Al Hemıngýeıdiki delinetin bul áńgime tek 1990 jyldary baspasóz betterinde paıda boldy. Hem aǵaı aıaqkıim týraly áńgimeniń negizin qaıdan alǵanyn boljaı berińiz...
Al keıde ádebıet maıtalmandarynyń bir aýyz sózinde bir ǵasyrdyń shyndyǵy jatýy múmkin.