ATYRAÝ.13 qańtar. Atyraý oblysy men Reseı quramyndaǵy Bashqurtstan Respýblıkasy arasynda iskerlik baılanys jandana bastamaq. Bul týraly egemen.kz tilshisi habarlady.
Reseımen shekaralas aımaqtyń biri – Atyraý oblysy men Bashqurtstan arasynda ózara yntymaqtastyq týraly memorandýmǵa qol qoıylǵan. Osy memorandým aıasyndaǵy iskerlik baılanysty keńeıtýdi kózdegen Bashqurtstandaǵy «Impýls» ǵylymı-óndiristik kásipornynyń ǵylymı jetekshisi, hımııa ǵylymdarynyń doktory Oleg Ptashko oblys ákimi Baqtyqoja Izmuhambetovpen kezdesýde Atyraýdaǵy erkin eklnomıkalyq aımaqta birlesken kásiporyn qurýdyń múmkindikteri týraly málim etti.
«Biz munaı-gaz salasyna qajetti hımııalyq reagentter shyǵaratyn óndiris ashýdy, sonan soń bıznesti qurylys materıaldary men ósimdik ósýin retteýshi ázirleýge dıversıfıkasııalaýdy josparlap otyrmyz. Bul josparymyzdy barlyq talaptar men ekologııalyq normalardy saqtap, eki-úsh jylda iske asyrýǵa bolady. Bizdiń kásipornymyzdyń ǵylymı áleýeti joǵary, 1996 jyldan beri hımııalyq reagentter shyǵarady. О́zimizdiń arnaıy eki zerthanamyz bar. Reseıdegi jáne Bashqurtstandaǵy ǵylym akademııalarymen baılanysymyz ornyqqan. Endi biz Atyraýda da sońǵy tehnologııalar negizinde hımııalyq reagentter shyǵarýmen birge, qurylys, aýyl sharýashylyǵy salalarynda da eki jaqqa tıimdi jobalardy iske asyrýǵa nıettimiz», – dedi Oleg Ptashko.
Joldasbek Shópeǵul.
Derek, sýret: egemen.kz.