ATYRAÝ. 13 qańtar. Atyraýda batysqazaqstandyq zerger Tólepbergen Sarmanbekovke «Altyn qaıyq» júldesi men 280 myń teńge kólemindegi qarjylaı syıaqy berildi. Bul týraly egemen.kz tilshisi habarlady.
Bul júlde Atyraýdaǵy «Jeruıyq» mádenıet ortalyǵy» qoǵamdyq qorynyń uıymdastyrýymen 2011 jyldan berilip keledi. Qor dırektory Nurbergen Dáýletovtiń aıtýynsha, basty maqsat – beıneleý óneri sheberlerin yntalandyryp, týyndylarynyń alys-jaqyn shetelderge tanystyratyndaı sapalyq deńgeıin kóterý. «Altyn qaıyq» júldesin ıelenýge Aqtóbe, Batys Qazaqstan, Mańǵystaý jáne Atyraý oblystarynyń beıneleý óneriniń sheberleri qatysa alady.
Bıylǵy «Altyn qaıyq» nomınasııasyn ıelený úshin tórt oblystan onnan astam úmitker qatysty. Olardyń bir jyldyq jumysyn saralaǵan komıssııa sheshimimen atyraýlyq Ádilqaıyr Jantasovqa «Úzdik keskindemeshi», batysqazaqstandyq Ashat Ábdeshovke «Úzdik grafıka», batysqazaqstandyq Tólepbergen Sarmanbekovke «Úzdik zergerlik buıym», batysqazaqstandyq Erǵalı Bekeshovke «Úzdik músin», atyraýlyq Nursultan Qalıevqa «Úzdik qolóner» atalymy berildi. Sonymen birge, «Jyl jańalyǵy» júldesine atyraýlyq Ádilqaıyr Jantasov ıe boldy. Bulardyń bárine arnaıy dıplom men 120 000 teńgeniń sertıfıkattary tabystaldy.
Bas júlde – 976 gramdyq salmaqty quraıtyn, 24 karat taza altyn jalatylǵan «Altyn qaıyq» statýetka men 280 000 teńgelik qarjylaı syıaqyǵa batysqazaqstandyq zerger Tólepbergen Sarmanbekov laıyq dep tabyldy. Ol bul konkýrsqa altyn jalatylǵan sáýkeleni usynǵan eken. «Men buǵan deıin osy konkýrsqa eki ret qatysqan edim. Endi mine, úshinshi jyly «Altyn qaıyq» júldesin aldym. Eńbegim jandy» dep óz qýanyshymen bólisti zerger T.Sarmanbekov.
Joldasbek Shópeǵul.
Derek, sýret: egemen.kz.