PAVLODAR. 13 qańtar. Oblys ortalyǵyndaǵy Sultanmahmut Toraıǵyrov atyndaǵy memlekettik ýnıversıtette 15 pán boıynsha jalpy orta bilim beretin oqý oryndarynyń 9-11 synyp oqýshylary arasynda oblystyq pán olımpıadasy ótti. Bul týraly egemen.kz tilshisi habarlady.
«Eń úzdik olımpıadalyq komanda-2015» nomınasııasy jaratylystaný-matematıkalyq baǵytynda: 1-oryndy daryndy balalarǵa arnalǵan №8 lıseı-mektebi, 2-oryndy daryndy er balalarǵa arnalǵan oblystyq qazaq-túrik lıseı-ınternaty jáne 3-oryndy «Jas daryn» mamandandyrylǵan mektebi jeńip aldy. «Eń úzdik olımpıadalyq komanda-2015» nomınasııasy gýmanıtarlyq baǵytynda: 1-oryndy daryndy balalarǵa arnalǵan №3 gımnazııa, 2-oryndy oblystyq daryndy balalarǵa arnalǵan kóp salaly lıseı-ınternaty jáne 3-oryndy – «Jas daryn» mamandandyrylǵan mektebi ıelendi. «Eń úzdik qalalyq komanda-2015» nomınasııasynda Pavlodar qalasynyń qurama komandasy, «Eń úzdik aýdandyq komanda-2015» nomınasııasynda Baıanaýyl aýdany, al «Aqyl jastan, asyl tastan» nomınasııasynda daryndy balalarǵa arnalǵan № 3 gımnazııanyń 6 synyp oqýshysy Ferýza Razıkova úzdik shyqty.
Temirlan Súttibaev, Aıym Muhtarhanova, Álibek Qabylda, Nazarbaı Jınalhan joǵary oqý oryndarynyń granttaryn jeńip aldy.
Farıda Byqaı.
Derek: egemen.kz.
Sýret: egemen.kz.