Zaman ózgerdi me, adam ózgerdi me, kim bilsin, áıteýir, sońǵy kezderi alaıaqtyq asqynyp barady. Munyń ózi: «Adaldyqtyń ala jibin attama», deıtin adamgershilik tárbıeniń tini tarqatylyp bara ma degen oıǵa jeteleıdi. «О́tiriktiń quıryǵy bir-aq tutam», deıtin qazaqy qasıet te básin joǵaltqandaı. Budan burynyraqta Aqtóbege qoljetimdi páter áperemin dep ańqaýlardyń aýzyn ańqaıtyp ketip, qarjysyn oljalap, bermeı ketkender ustalyp, jazasyn alǵan-dy. Endi ákki qýlar alaıaqtyqtyń «formatyn» jetildire bastapty. Aqtóbe qalasynda túrli sebeptermen turǵyndardyń senimine kirip, aldaý jolymen ózgelerdiń tıesili zattaryn ıemdenip ketý taǵy da beleń ala bastady.
Jańa jyl bastalǵaly ǵana qala aýmaǵynda osyndaı alaıaqyqtyń 4 deregi tirkelip, abyroı bolǵanda bul qylmystardyń barlyǵy da ashyldy. Taıaýda kezekshi bólimge 46 jastaǵy qala turǵyny shaǵymdanyp, 2013 jylǵy 4 qyrkúıekte 36 jastaǵy beıtanys áıel ulyn emdeý úshin aldaý jolymen 450 myń teńgesin alyp ketkenin habarlaǵan. Adam basyna túsken aýyrtpalyqty bas paıdasyna jaratýǵa bel býǵan alaıaq áıel uzaqqa barmady, kúdiktini krımınaldyq polısııa basqarmasynyń qyzmetkerleri qolǵa túsirdi. Ulynyń saýyǵýy úshin janyn berýge bar ananyń álsiz býynynan ustaǵan alaıaq áıeldiń obal-saýapty umytqan jan ekeni aıtpasa da túsinikti.
Araǵa bir kún salyp, kezekshi bólimge 37 jastaǵy qala turǵyny shaǵymdanyp, beıtanys áıeldiń jer telimin alýǵa kómektesemin dep senimge kirý arqyly 600 myń teńgesin alyp ketkenin jetkizgen. Shyny kerek, qazir jer telimin alý da eń ózekti másele bolyp turǵany shyndyq. Al, alaıaqtardyń da ańdıtyny osyndaı adamdardyń osal tustary. Kezekti aınalyp ótip jer telimin alýǵa qushtarlardy da tap basyp tanıtyndaryn qaıtersiń? Alaıda, alaıaq alysqa bara almady, quqyq qorǵaýshylardyń quryǵyna ilindi.
Jýyrda kezekshi bólimge 42 jastaǵy qala turǵyny shaǵymdanyp, beıtanys áıeldiń as úı jıhazyn qondyrý maqsatynda, senimge kire otyryp, 190 myń teńgeni qoldy etkenin habarlaǵan. 31 jastaǵy kúdiktini de krımınaldyq polısııa basqarmasynyń qyzmetkerleri kóp uzatpaı qolǵa túsirdi. Sodan keıin kezekshi bólimge 63 jastaǵy áıel habarlasyp, belgisiz bireý senimge kirip, úıin dýalmen qorshap berý úshin 125 myń teńgeni alyp ketkenin málimdegen. Krımınaldyq polısııanyń jedel áreketiniń arqasynda 34 jastaǵy er azamat ustalǵan.
Zaıyrly qoǵam quryp jatqan elimizde bárin zań aıasynda sheshýge bolatynyn umytpaǵan jón. Alaıaqtarǵa aldanyp qalmaýdyń basty amaly da osy zańdylyqty saqtaý bolyp tabylady.
Satybaldy SÁÝIRBAI,
«Egemen Qazaqstan».
Aqtóbe oblysy.