Taraz qalasynyń turǵyny Turǵanbek Qypshaqbaevtyń osydan 17 jyl buryn oılap tapqan jylytý qazandyǵyna endi nazar aýdaryla bastady. Shyǵyny az, elektr qýatyn qajetsinbeıtin, qorshaǵan ortany lastamaıtyn qurylǵynyń rahatyn buǵan deıin ónertapqyshtyń jerlesteri kórip kelipti.
Qazandyqqa otynnyń eki túri – gaz ben kómir paıdalanylady eken. Ony qazirgi tańda Jambyl oblysyna qarasty Sarysý, Talas aýdandary men Qarataý qalasynyń túrli mádenı oshaqtary qoldanyp otyr. Sonymen qatar, óńirdegi Besaǵash aýylynyń 50-ge jýyq turǵyny da osy qazandyqpen úılerin jylytýda.
T.Qypshaqbaevtyń jasaǵan jylytý peshiniń tıimdiligi men erekshelikteri búginde aımaqtyq kásipkerler palatasynyń nazaryna iligipti.
Degenmen, jalpy halyqtyń ıgiligine usyný úshin bul jobany áli de jetildire túsý qajet kórinedi. Sondyqtan da, tıisti oryndardan qazandyqtyń avtory retinde zańdy qujat jasatyp alǵan ónertapqysh óz týyndysyn odan ári damytý maqsatynda tynymsyz eńbektenýde.
Joldybaı BAZAR,
«Egemen Qazaqstan».