Iran Prezıdenti Ibrahım Raısı mingen tikushaq qulaǵan jerden tiri qalǵan jandar tabylmaǵany habarlandy. Bul týraly Irannyń Qyzyl Jarty aı qoǵamynyń basshysy málimdedi, dep habarlaıdy Egemen.kz IRNA agenttigine silteme jasap.
Irannyń Qyzyl Jarty Aı qoǵamynyń basshysy Pır-Hoseın Kolıvand dúısenbi kúni tańerteń «Tasnim» jartylaı resmı aqparat agenttigine bergen suhbatynda: «Tikushaq apatqa ushyraǵan jer muqııat zertteldi, tiri qalǵandar tabylǵan joq», dedi.
Sheteldik aqparat quraldarynyń jazýynsha, tikushaqta Iran Prezıdenti Ibrahım Raısı, syrtqy ister mınıstri Hoseın Abdollahıan, Irannyń shyǵys Ázerbaıjan provınsııasynyń gýbernatory Malık Rahmetı jáne Tebrız provınsııasynyń aıatollasy Alı Hashım bolǵan.
Aıta ketsek, tikushaq jeksenbi, 19 mamyrda Irannyń soltústik-batysyndaǵy Ázerbaıjan men Túrkııa shekarasyna jaqyn taýly aımaqta qulady.