2014 jylǵy 27 qazan, Astana qalasy
Bıýdjettik baǵdarlamalar Ákimshileri shyǵystarynyń lımıtterin, jańa bastamalarǵa arnalǵan lımıtterdi aıqyndaý qaǵıdalaryn bekitý týraly
Qazaqstan Respýblıkasynyń 2008 jylǵy 4 jeltoqsandaǵy Bıýdjet kodeksiniń 65-1- babyna sáıkes buıyramyn:
1. Qosa berilip otyrǵan Bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi aıqyndaý qaǵıdalary bekitilsin.
2. Qazaqstan Respýblıkasy Ulttyq ekonomıka mınıstrliginiń Bıýdjet saıasaty departamenti (V.R. Hısmatýlın) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin on kúntizbelik kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryq alǵashqy resmı jarııalanǵan kúninen bastap qoldanysqa engiziledi.
Mınıstr E. DOSAEV.
Qazaqstan Respýblıkasy Ulttyq ekonomıka mınıstriniń 2014 jylǵy 27 qarashadaǵy № 59 buıryǵymen bekitilgen
Bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi aıqyndaý qaǵıdalary
1. Negizgi erejeler
1. Osy Bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi aıqyndaý qaǵıdalary (budan ári – Qaǵıdalar) 2008 jylǵy 4 jeltoqsandaǵy Qazaqstan Respýblıkasy Bıýdjet kodeksiniń 65-1-babyna sáıkes ázirlendi.
2. Qaǵıdalar bıýdjettik josparlaý jónindegi ortalyq ýákiletti organnyń jáne memlekettik josparlaý jónindegi jergilikti ýákiletti organdardyń bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi aıqyndaýy tártibin aıqyndaıdy.
3. Bıýdjettik baǵdarlamalar ákimshileri shyǵystarynyń lımıtteri, jańa bastamalarǵa arnalǵan lımıtter bıýdjettik baǵdarlamalar ákimshileriniń bıýdjettik ótinimderdi qalyptastyrýy úshin aıqyndalady.
4. Bıýdjettik baǵdarlamalar ákimshileri shyǵystarynyń jetkizilgen lımıtteri men jańa bastamalarǵa arnalǵan lımıtterdiń sheginde bıýdjettik baǵdarlamalar ákimshisi óz qyzmetiniń basymdyqtaryn, memlekettik jáne salalyq baǵdarlamalardyń iske asyrylýyn eskere otyryp, bıýdjettik baǵdarlamalar (kishi baǵdarlamalar) boıynsha shyǵystardy óz betinshe bóledi.
Bıýdjettik baǵdarlamalar ákimshisi shyǵystardyń birinshi kezekti basymdyǵyn óz betinshe aıqyndaıdy.
Bıýdjettik baǵdarlamalar ákimshileri shyǵystarynyń lımıtteri, jańa bastamalarǵa arnalǵan lımıtter sheginde eskerilmegen shyǵystar makroekonomıkalyq ssenarıı men kirister boljamy kórsetkishterdiń jaqsarýy jaǵyna qaraı ekinshi kezeńde ózgergen jaǵdaıda jáne/nemese tıisti bıýdjet komıssııasyna qorytyndy daıyndaý barysynda bıýdjettik josparlaý jónindegi ortalyq ýákiletti organ nemese jergilikti ýákiletti organdar jekelegen shyǵystardy qabyldamaǵan jaǵdaıda bıýdjet jobasyna engizilýi múmkin.
2. Bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi aıqyndaý
5. Bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi bıýdjettik josparlaý jónindegi ortalyq ýákiletti organ jáne memlekettik josparlaý jónindegi jergilikti ýákiletti organdar josparly kezeńge Qazaqstan Respýblıkasynyń nemese oblystyń, respýblıkalyq mańyzy bar qalanyń, astananyń áleýmettik ekonomıkalyq damýynyń, respýblıkalyq jáne jergilikti bıýdjetterdiń boljamdy kórsetkishteri, bıýdjet qarajatyn jumsaýdyń basym baǵyttary, tıisti bıýdjet tapshylyǵynyń mólsheri negizinde aıqyndaıdy.
6. Bıýdjettik baǵdarlamalar ákimshileri shyǵystarynyń lımıtteri, jańa bastamalarǵa arnalǵan lımıtter bıýdjet jobasyn qalyptastyrý kezinde jyldarǵa bóle otyryp, bıýdjettik baǵdarlamalar ákimshileriniń árqaısysy úshin josparlanatyn úshjyldyq kezeńge jyl saıyn ózgermeli negizde aıqyndalady.
Josparly kezeńniń ekinshi jáne úshinshi jyldaryna arnalǵan lımıtter áleýmettik-ekonomıkalyq damý boljamyndaǵy ózgerister eskerile otyryp, kezekti úshjyldyq kezeńge lımıtterdi aıqyndaǵan kezde ózgertilýi múmkin.
Makroekonomıkalyq boljam men ekonomıkanyń ósý boljamy azaıý jaǵyna ózgergen jaǵdaıda, bıýdjettik baǵdarlamalar ákimshileri shyǵystary lımıtteriniń jáne jańa bastamalarǵa arnalǵan lımıtterdiń somasy aǵymdaǵy qarjy jylyna arnalǵan shyǵystar boıynsha bekitilgen jospardan nomınaldy Jalpy ishki ónimniń (budan ári – JIО́) nemese Jalpy óńirlik ónimniń (budan ári – JО́О́) tıisti jylǵa boljanatyn ósýinen aspaýy tıis.
Bıýdjetti naqtylaý kezinde bıýdjettik baǵdarlamalar ákimshileri shyǵystarynyń lımıtteri, jańa bastamalarǵa arnalǵan lımıtter bıýdjettik baǵdarlamalar ákimshilerine jetkizilmeıdi.
7. Bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi aıqyndaý kezinde:
1) tıisti kezeńge arnalǵan áleýmettik-ekonomıkalyq damýdyń maquldanǵan boljamy;
2) aǵymdaǵy qarjy jylyna arnalǵan bıýdjettik baǵdarlamalar ákimshileri shyǵystarynyń bekitilgen (naqtylanǵan) kólemi;
3) tıisti qarjy jylyna arnalǵan bıýdjettik baǵdarlamalar ákimshileri shyǵystarynyń bekitilgen kólemi;
4) ótken jáne aǵymdaǵy qarjy jyldarynda bıýdjettik baǵdarlamalardyń oryndalý qorytyndysy;
5) bıýdjettik ınvestısııalardy iske asyrýdy baǵalaý qorytyndysy;
6) respýblıkalyq bıýdjettiń atqarylýy týraly esepke Respýblıkalyq bıýdjettiń atqarylýyn baqylaý jónindegi esep komıtetiniń (jergilikti bıýdjettiń atqarylýy týraly esepke oblystyń, respýblıkalyq mańyzy bar qalanyń, astananyń tekserý komıssııasynyń) qorytyndylary men usynymdary;
7) memlekettik jáne salalyq baǵdarlamalardyń is-sharalary esepke alynady.
Memlekettik jáne salalyq baǵdarlamalardy ázirlemeıtin bıýdjettik baǵdarlamalar ákimshileri boıynsha startegııalyq josparlar, ózge strategııalyq jáne baǵdarlamalyq qujattar eskeriledi.
8. Bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi aıqyndaý kezinde lımıtterdiń quramynda bıýdjettik baǵdarlamalar ákimshileriniń basqa shyǵystarǵa qaıta bólýge jatpaıtyn bıýdjettiń myna shyǵystary jeke bólinedi:
1) iske asyrylýy Qazaqstan Respýblıkasy Ulttyq qorynan bólinetin nysanaly transfertter esebinen kózdeletin jobalar boıynsha shyǵystar;
2) bıýdjettik sýbvensııalar, bıýdjettik alyp qoıýlar;
3) úkimettik boryshqa nemese jergilikti atqarýshy organdardyń boryshyna qyzmet kórsetý;
4) memlekettik kepildik;
5) Qazaqstan Respýblıkasy Úkimetiniń nemese jergilikti atqarýshy organnyń rezervi.
9. Jergilikti bıýdjetter boıynsha bıýdjettik baǵdarlamalar ákimshileri shyǵystarynyń lımıtteri, jańa bastamalarǵa arnalǵan lımıtter bıýdjettiń nysanaly transfertteri jáne jergilikti atqarýshy organdarǵa joǵary turǵan bıýdjetten bıýdjettik kredıtter eskerilýsiz aıqyndalady.
Jergilikti bıýdjetter boıynsha bıýdjettik baǵdarlamalar ákimshileriniń shyǵystary, jańa bastamalarǵa arnalǵan shyǵystar Qazaqstan Respýblıkasynyń zańynda (oblystyq máslıhat sheshimimen) belgilengen jalpy sıpattaǵy transfertter kólemi eskerile otyryp aıqyndalady.
Jergilikti bıýdjetter boıynsha bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi aıqyndaý kezinde jalpy sıpattaǵy transfertter kólemi týraly zańda (oblystyq máslıhat sheshimimen) belgilengen shyǵystardyń jekelegen baǵyttaryn eń tómengi qarjylandyrý kólemi esepke alynady.
10. Áleýmettik-ekonomıkalyq damýdyń birinshi kezeńinde maquldanǵan boljamda kórsetilgen úshjyldyq kezeńge arnalǵan bıýdjet shyǵystarynyń boljamyna súıene otyryp, aǵymdaǵy shyǵystardyń jalpy lımıti jáne úshjyldyq kezeńge arnalǵan bıýdjettik damý baǵdarlamalary shyǵystarynyń lımıti aıqyndalady.
Aǵymdaǵy shyǵystar men úshjyldyq kezeńge arnalǵan bıýdjettik damý baǵdarlamalary shyǵystarynyń jalpy lımıti nomınaldy JIО́-niń (JО́О́) jáne sońǵy paıdalaný boıynsha onyń quramdaýyshtarynyń boljanatyn kólemin qamtamasyz etýdi eskere otyryp aıqyndalady.
1-paragraf. Bıýdjettik baǵdarlamalar ákimshileri shyǵystarynyń lımıtterin aıqyndaý
11. Bıýdjettik baǵdarlamalar ákimshileri shyǵystarynyń lımıtteri bıýdjettiń bazalyq shyǵystaryna súıene otyryp aıqyndalady.
Turaqty sıpattaǵy shyǵystar, kúrdeli shyǵystar, sondaı-aq bastalǵan (jalǵasatyn) bıýdjettik ınvestısııalyq jobalar men qabyldanǵan memlekettik konsessııalyq mindettemelerdi oryndaý shyǵystary bazalyq shyǵystar bolyp tabylady.
Memlekettik fýnksııalardy, ókilettikterdi oryndaýǵa jáne memlekettik qyzmetterdi kórsetýge, transfertterdi tóleýge jáne memlekettiń basqa da mindettemelerine baılanysty shyǵystar turaqty sıpattaǵy shyǵystar bolyp tabylady.
12. Bıýdjettik baǵdarlamalar ákimshileri shyǵystarynyń lımıtteri bıýdjettik baǵdarlamalar bólinisinde esepteledi.
13. Bıýdjettik baǵdarlamalar ákimshileri shyǵystarynyń lımıtterin esepteý úshin baza retinde aǵymdaǵy qarjy jylynyń 1 sáýirindegi jaǵdaı boıynsha qarjy jylyna arnalǵan shyǵystar boıynsha bekitilgen (naqtylanǵan) jospar, sondaı-aq tıisti qarjy jylyna arnalǵan shyǵystardyń bekitilgen jospary paıdalanylady.
14. Bıýdjettik baǵdarlamalar ákimshileri shyǵystarynyń lımıtteri myna formýla boıynsha esepteledi:
Lımıtt = Aǵymdaǵy shyǵystart + Damý bıýdjetit,
mundaǵy
Lımıtt – bıýdjettik baǵdarlamalar ákimshileriniń tıisti qarjy jylyna arnalǵan shyǵystarynyń lımıti;
Aǵymdaǵy shyǵystar t – bıýdjettik baǵdarlamalar ákimshileriniń tıisti qarjy jylyna arnalǵan aǵymdaǵy bıýdjettik baǵdarlamalarynyń shyǵystary boıynsha lımıti;
Damý bıýdjetit – bıýdjettik baǵdarlamalar ákimshileriniń tıisti qarjy jylyna arnalǵan bıýdjettik damý baǵdarlamalarynyń shyǵystary boıynsha lımıt.
15. Bıýdjettik baǵdarlamalar ákimshileri shyǵystarynyń lımıtterin esepteý úshin árbir ákimshi úshin shyǵystar mynadaı sanattarǵa toptastyrylady:
1) aǵymdaǵy shyǵystar:
turaqty sıpattaǵy aǵymdaǵy shyǵystar;
kúrdeli shyǵyndar;
aýyspaly shyǵystar;
2) bıýdjettik damý baǵdarlamalarynyń shyǵystary.
Turaqty sıpattaǵy aǵymdaǵy shyǵystar:
memlekettik organdardyń jáne olardyń vedomstvolyq baǵynysty mekemeleriniń jumys isteýin qamtamasyz etý shyǵystaryn;
memlekettik tikeleı mindettemelerdi;
shyǵystardyń kólemi boıynsha negizdemelerdi talap etetin memlekettik mindettemelerdi qamtıdy.
Kúrdeli shyǵyndar:
memlekettik organdardyń jáne olardyń vedomstvolyq baǵynysty mekemeleriniń jumys isteýin qamtamasyz etýge baılanysty kúrdeli shyǵyndardy;
memlekettik jáne salalyq baǵdarlamalardy iske asyrýǵa baılanysty kúrdeli shyǵyndardy qamtıdy.
Bıýdjettik damý baǵdarlamalarynyń shyǵystary:
respýblıkalyq (jergilikti) bıýdjettik ınvestısııalardy iske asyrýǵa arnalǵan shyǵystardy;
tómen turǵan bıýdjetterge nysanaly damý transfertterin qamtıdy.
16. Aǵymdaǵy shyǵystar boıynsha lımıtterdi esepteý kezinde áleýmettik-ekonomıkalyq damý boljamyna sáıkes tıisti jylǵa boljanatyn ınflıasııa deńgeıi, sondaı-aq josparly kezeńniń ekinshi jáne úshinshi jyldaryna bekitilgen shyǵystar kólemi esepke alynady.
17. Bıýdjettik damý baǵdarlamalarynyń shyǵystary boıynsha lımıt myna formýlaǵa sáıkes esepteledi:
Damý bıýdjetit = Jalǵasatyn respýblıkalyq (jergilikti) bıýdjettik ınvestısııalarǵa arnalǵan bıýdjettik damý baǵdarlamalaryna shyǵystar t + Jalǵasatyn bıýdjettik ınvestısııalarǵa arnalǵan nysanaly damý transfertterit.
Jalǵasatyn bıýdjettik ınvestısııalar shyǵystarynyń lımıti iske asyrylýy aǵymdaǵy nemese ótken qarjy jyldarynda bastalyp ketken bıýdjettik ınvestısııalar boıynsha bıýdjette kózdelgen qarajat eskerile otyryp aıqyndalady.
Bıýdjettik baǵdarlamalar ákimshileriniń bıýdjettik damý baǵdarlamalaryna arnalǵan shyǵystarynyń lımıtterin aıqyndaý kezinde tıisti bıýdjet komıssııasynyń oń usynysy joq bıýdjettik ınvestısııalar esepke alynbaıdy.
18. Bıýdjettik damý baǵdarlamalaryna shyǵystar lımıtin aıqyndaý kezinde respýblıkalyq nemese oblystyq bıýdjetterden tómen turǵan bıýdjetterge nysanaly damý transfertteri boıynsha pýl aıqyndalady.
Tómen turǵan bıýdjetterge nysanaly damý transfertteri boıynsha pýl myna formýla boıynsha aıqyndalady:
NDTPt = JDBt * Kt-1 ,
mundaǵy
NDTPt – tıisti qarjy jylyna arnalǵan tómen turǵan bıýdjettiń nysanaly damý transfertteri boıynsha pýl;
JDBt – bıýdjettik damý baǵdarlamalaryna jergilikti bıýdjet shyǵystary (joǵary turǵan bıýdjetten nysanaly damý transfertterin eseptemegende).
Bıýdjettik damý baǵdarlamalaryna jergilikti bıýdjetter shyǵystaryn aıqyndaý kezinde tıisti úshjyldyq kezeńge arnalǵan jalpy sıpattaǵy transfertterdi esepteý kezinde eskerilgen bıýdjettik damý baǵdarlamalaryna jergilikti bıýdjetter shyǵystarynyń boljamy, sondaı-aq tıisti qarjy jylyna arnalǵan jergilikti bıýdjetterdiń shyǵystary boıynsha naqtylanǵan jospary eskeriledi.
K t-1 – nysanaly damý transfertteri túrinde joǵary turǵan bıýdjetten tartylǵan, bıýdjettik damý baǵdarlamalaryna jergilikti bıýdjetten (joǵary turǵan bıýdjetten nysanaly damý transfertterin eseptemegende) bólingen bir teńgege teńge sanyn aıqyndaıtyn koeffısıent.
Osy koeffısıent aǵymdaǵy qarjy jylynda qalyptasqan joǵary turǵan bıýdjettiń nysanaly damý trasfertterinen jergilikti bıýdjetterdiń menshikti damý bıýdjetiniń táýeldiligin aıqyndaıdy jáne myna formýla boıynsha esepteledi:
Kt-1 = NTt-1 / JDBt-1
mundaǵy
NTt-1 – joǵary turǵan bıýdjetten nysanaly damý transfertteri;
JDBt-1 – bıýdjettik damý baǵdarlamalaryna jergilikti bıýdjet shyǵystary (joǵary turǵan bıýdjetten nysanaly damý transfertterin eseptemegende).
Tómen turǵan bıýdjetterge nysanaly damý transfertteri boıynsha pýl jalǵasatyn jáne jańa bıýdjettik ınvestısııalardyń nysanaly damý transfertterin qamtıdy.
Tómen turǵan bıýdjetterge nysanaly damý transfertteri pýlyn aıqyndaý kezinde Astana jáne Almaty qalalarynyń pýly jeke bólinedi.
Respýblıkalyq bıýdjetten nysanaly damý transfertterin obektiler boıynsha bólý О́ńirlik saıasat máseleleri jónindegi vedomstvoaralyq komıssııanyń usynystary eskerile otyryp, bıýdjettik ótinimderdi bıýdjettik josparlaý jónindegi ortalyq ýákiletti organǵa engizgenge deıin Qazaqstan Respýblıkasynyń bıýdjet zańnamasynda belgilengen merzimde júzege asyrylady.
2-paragraf. Jańa bastamalarǵa arnalǵan lımıtterdi aıqyndaý
19. Jańa bastamalarǵa arnalǵan lımıtter jańa bastamalarǵa arnalǵan shyǵystarǵa súıene otyryp aıqyndalady.
Jańa bastamalarǵa arnalǵan shyǵystarǵa:
1) áleýmettik-ekonomıkalyq damýdyń jańa basym baǵyttaryn strategııalyq jáne baǵdarlamalyq qujattarǵa sáıkes iske asyrýǵa;
2) makroekonomıkalyq jáne áleýmettik kórsetkishterdiń ózgerýine baılanysty emes jáne qoldanystaǵy bıýdjettik baǵdarlamalar sheńberinde bıýdjet qarajatyn jumsaýdyń qosymsha baǵyttaryn kózdeıtin (oryndalatyn memlekettik fýnksııalardyń, ókilettikter men memlekettik kórsetiletin qyzmetter kólemin keńeıtý) bazalyq shyǵystardy ulǵaıtýǵa baǵyttalǵan shyǵystar jatady.
20. Jańa bastamalarǵa arnalǵan lımıtterdi esepteý kezinde:
1) Memleket basshysynyń tapsyrmalary, onyń ishinde jyl saıynǵy Qazaqstan halqyna joldaıtyn Joldaýyndaǵy tapsyrmalary;
2) memlekettik jáne salalyq baǵdarlamalarda kózdelgen is-sharalar;
3) jańadan engiziletin obektilerdi ustaýǵa baǵyttalǵan shyǵystar esepke alynady.
Josparly kezeńniń birinshi jylyna jańa bastamalarǵa arnalǵan lımıtterdi aıqyndaý kezinde josparly kezeńniń birinshi jylynda qarjylandyrýdy talap etetin, Memleket basshysynyń tapsyrmalary esepke alynady.
21. Jańa bastamalarǵa arnalǵan lımıtter tıisti kezeńge arnalǵan áleýmettik-ekonomıkalyq damýdyń maquldanǵan boljamynda kórsetilgen bıýdjet shyǵystarynyń boljamy men bıýdjettik baǵdarlamalar ákimshileri shyǵystarynyń lımıtteri somasy arasyndaǵy aıyrma retinde aıqyndalady.
Jańa bastamalarǵa arnalǵan lımıtter aǵymdaǵy shyǵystar boıynsha jańa bastamalar men bıýdjettik damý baǵdarlamalaryna shyǵystar boıynsha jańa bastamalardy qamtıdy.
Aǵymdaǵy shyǵystar boıynsha jańa bastamalardy aıqyndaý kezinde, birinshi kezekte eńbekaqy tóleýdi, zeınetaqylardy, járdemaqylar men basqa da áleýmettik tólemderdi arttyrýǵa baǵyttalǵan jańa bastamalar eskeriledi.
22. Bıýdjettik damý baǵdarlamalaryna shyǵystar boıynsha jańa bastamalar myna formýla boıynsha aıqyndalady:
DBBJBt = DBBJLt / Damý bıýdjetit
mundaǵy DBBJBt – bıýdjettik damý baǵdarlamalaryna shyǵystar boıynsha jańa bastamalar;
DBBJLt – nomınaldy JIО́ nemese JО́О́ boljamynyń negizinde aıqyndalatyn bıýdjettik damý baǵdarlamalaryna shyǵystardyń jalpy lımıti;
Damý bıýdjetit – tıisti qarjy jylyna arnalǵan bıýdjettik baǵdarlamalar ákimshileriniń bıýdjettik damý baǵdarlamalaryna shyǵystar boıynsha lımıti.
23. Bıýdjettik damý baǵdarlamalaryna shyǵystar boıynsha jańa bastamalar nysanaly damý transfertteri esebinen iske asyrylatyn bıýdjettik ınvestısııalardy qospaǵanda, jańa respýblıkalyq (jergilikti) bıýdjettik ınvestısııalarǵa arnalǵan shyǵystardy jáne jańa bıýdjettik ınvestısııalarǵa nysanaly damý transfertterin qamtıdy.
24. Jańa bıýdjettik ınvestısııalarǵa arnalǵan nysanaly damý transfertteri nysanaly damý transfertteri boıynsha tómen turǵan bıýdjetterdiń jalpy pýly men jalǵasatyn bıýdjettik ınvestısııalarǵa nysanaly damý transfertteri arasyndaǵy aıyrma retinde aıqyndalady.
Jańa bıýdjettik ınvestısııalarǵa arnalǵan nysanaly damý transfertteri salalar (aıalar) bólinisinde jergilikti bıýdjettiń bıýdjettik damý baǵdarlamalaryna arnalǵan shyǵystardyń qalyptasqan qurylymyn (joǵary turǵan bıýdjetten nysanaly damý transfertterin eskere otyryp) eskere otyryp, bıýdjettik baǵdarlamalar ákimshileri boıynsha bólinedi.
25. Nysanaly damý transfertteri esebinen iske asyrylatyn bıýdjettik ınvestısııalardy qospaǵanda, jańa respýblıkalyq (jergilikti) bıýdjettik ınvestısııalarǵa arnalǵan shyǵystar myna formýla boıynsha aıqyndalady:
JJSht = DBBJBt / JJNDTt
mundaǵy
JJSht – nysanaly damý transfertteri esebinen iske asyrylatyn bıýdjettik ınvestısııalardy qospaǵanda, jańa respýblıkalyq (jergilikti) bıýdjettik ınvestısııalarǵa arnalǵan shyǵystar;
DBBJBt – bıýdjettik damý baǵdarlamalaryna arnalǵan shyǵystar boıynsha jańa bastamalar;
JJNDTt – jańa bıýdjettik ınvestısııalarǵa arnalǵan nysanaly damý transfertteri.
Nysanaly damý transfertteri esebinen iske asyrylatyn bıýdjettik ınvestısııalardy qospaǵanda, jańa respýblıkalyq (jergilikti) bıýdjettik ınvestısııalarǵa arnalǵan shyǵystar Memleket basshysynyń tapsyrmalary men memlekettik jáne salalyq baǵdarlamalarda kózdelgen is-sharalar eskerile otyryp, bıýdjettik baǵdarlamalar ákimshileri boıynsha bólinedi.
3. Bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi bıýdjettik komıssııalarda qaraý jáne bıýdjettik baǵdarlamalar
ákimshilerine deıin jetkizý
26. Bıýdjettik josparlaý jónindegi ortalyq ýákiletti organ Respýblıkalyq bıýdjet komıssııasynyń qaraýyna josparlanǵan kezeńniń aldyndaǵy jyldyń 15 sáýirinen keshiktirmeı, memlekettik josparlaý jónindegi jergilikti ýákiletti organdar oblystyń, respýblıkalyq mańyzy bar qalanyń, astananyń, aýdannyń (oblystyq mańyzy bar qalanyń) tıisti bıýdjet komıssııasynyń qaraýyna josparlanǵan kezeńniń aldyndaǵy jyldyń 20 sáýirinen keshiktirmeı:
1) josparly kezeńniń jyldary boıynsha bıýdjettik baǵdarlamalar ákimshileri bólinisinde bıýdjettik baǵdarlamalar ákimshileri shyǵystarynyń lımıtterin;
2) josparly kezeńniń jyldary boıynsha bıýdjettik baǵdarlamalar ákimshileri bólinisinde jańa bastamalarǵa arnalǵan lımıtterdi engizedi.
27. Bıýdjettik baǵdarlamalar ákimshileri shyǵystarynyń lımıtteri, jańa bastamalarǵa arnalǵan lımıtter odan ári bıýdjettik baǵdarlamalar ákimshilerine jetkizý úshin tıisti bıýdjet komıssııasynyń usynystary eskerile otyryp aıqyndalady.
Tıisti bıýdjet komıssııasy músheleriniń eskertýleri men usynystary bolǵan jaǵdaıda, bıýdjettik baǵdarlamalar ákimshileri shyǵystarynyń lımıtteri men jańa bastamalarǵa arnalǵan lımıtterdi bıýdjettik josparlaý jónindegi ortalyq ýákiletti organ nemese memlekettik josparlaý jónindegi jergilikti ýákiletti organdar bes kún merzim ishinde pysyqtaıdy.
28. Bıýdjettik josparlaý jónindegi ortalyq ýákiletti organ jáne jergilikti ýákiletti organdar josparlanatyn kezeńniń aldyndaǵy jyldyń 1 mamyryna deıin bıýdjettik baǵdarlamalar ákimshilerine osy Qaǵıdalarǵa qosymshaǵa sáıkes nysan boıynsha tıisti bıýdjet komıssııasynyń usynystaryn eskere otyryp aıqyndalǵan, bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi joldaıdy.
Bıýdjettik baǵdarlamalar ákimshileri shyǵystarynyń lımıtterin, jańa bastamalarǵa arnalǵan lımıtterdi aıqyndaý qaǵıdalaryna qosymsha
_____________________________________________ arnalǵan
bıýdjettik baǵdarlamalar ákimshisiniń ataýy
bıýdjettik baǵdarlamalar ákimshileri shyǵystarynyń lımıtteri, jańa bastamalarǵa arnalǵan lımıtter
myń teńge
Ataýy Josparly kezeńniń
1-jyly Josparly kezeńniń
2-jyly Josparly kezeńniń
3-jyly
1 2 3 4
1. Bıýdjettik baǵdarlamalar ákimshileri shyǵystarynyń lımıti, onyń ishinde
qaıta bólýge jatpaıtyn shyǵystar
2. Jańa bastamalarǵa arnalǵan lımıtter
Buıryq Qazaqstan Respýblıkasynyń Ádilet mınıstrliginde 2014 jylǵy 24 qarashadaǵy Normatıvtik quqyqtyq kesimderdi memlekettik tirkeýdiń tizilimine № 9897 bolyp engizildi.