2014 jylǵy 10 qyrkúıek, Astana qalasy
Qazaqstan Respýblıkasy Ekonomıka jáne bıýdjettik josparlaý mınıstriniń keıbir buıryqtaryna ózgerister engizý týraly
buıyramyn:
1. Qazaqstan Respýblıkasy Ekonomıka jáne bıýdjettik josparlaý mınıstriniń keıbir buıryqtaryna ózgerister engizilsin:
1) «Qazaqstan Respýblıkasynyń Biryńǵaı bıýdjettik synyptamasyn jasaý erejesin bekitý týraly» Qazaqstan Respýblıkasy Ekonomıka jáne bıýdjettik josparlaý mınıstriniń 2013 jylǵy 13 naýryzdaǵy №72 buıryǵyna (Normatıvtik quqyqtyq aktilerdi memlekettik tirkeý tiziliminde № 8398 bolyp tirkelgen, 2013 jylǵy 17 shildedegi № 172 (28111) «Egemen Qazaqstan») gazetinde jarııalanǵan:
kórsetilgen buıryqpen bekitilgen Qazaqstan Respýblıkasynyń Biryńǵaı bıýdjettik synyptamasyn jasaý erejesinde:
12-tarmaq mynadaı redaksııada jazylsyn:
«12. Bıýdjettik baǵdarlama memlekettik organnyń strategııalyq josparynda aıqyndalǵan strategııalyq baǵyttarmen, maqsattarmen, mindettermen, nátıje kórsetkishterimen nemese strategııalyq jospardy ázirlemeıtin memlekettik organnyń erejesinde aıqyndalǵan ókilettiktermen ózara baılanysty bıýdjet shyǵystarynyń baǵytyn aıqyndaıdy jáne nátıje kórsetkishteri men bıýdjet shyǵystaryn qarjylandyrý kólemderin qamtıdy. Bıýdjettik baǵdarlamanyń synyptamalyq kody 3 belgiden turady.»;
14-tarmaq mynadaı redaksııada jazylsyn:
«14. Bıýdjettik kishi baǵdarlama bıýdjettik baǵdarlama sheńberindegi bıýdjet shyǵystarynyń naqty baǵyttaryn ashady jáne bıýdjettik baǵdarlama sııaqty ol da sol fýnksıonaldyq topta, fýnksıonaldyq kishi topta bekitiledi.
Bıýdjettik kishi baǵdarlamalardyń 001-den 999-ǵa deıingi synyptamalyq kody bolady. Birneshe ákimshilerge bekitilgen attas bıýdjettik kishi baǵdarlamalar 001-den 099 aralyǵyndaǵy kodtar boıynsha jikteledi.
Eger baǵdarlama kishi baǵdarlamalarǵa bólinbese, olardyń ornyna 000 synyptamalyq kody kórsetiledi.»;
16-tarmaq mynadaı redaksııada jazylsyn:
«16. Bıýdjet kodeksiniń 33-babyna sáıkes bıýdjettik baǵdarlamalar mynalarǵa bólinedi:
1) mazmunyna baılanysty mynalarǵa:
memlekettik fýnksııalardy, ókilettikterdi júzege asyrý jáne olardan týyndaıtyn memlekettik qyzmetterdi kórsetý;
transfertter men bıýdjettik sýbsıdııalar berý;
bıýdjettik kredıtterdi berý;
bıýdjettik ınvestısııalardy júzege asyrý;
kúrdeli shyǵystardy júzege asyrý;
memleket mindettemelerin oryndaý;
nysanaly salym salý.
Biryńǵaı túpkilikti nátıjege qol jetkizý maqsatynda memlekettik fýnksııalardy, ókilettikterdi júzege asyrý jáne olardan týyndaıtyn memlekettik qyzmetterdi kórsetý, kúrdeli shyǵystardy júzege asyrý, bıýdjettik ınvestısııalyq jobalardy iske asyrý jolymen bıýdjettik ınvestısııalardy júzege asyrý, transfertter men bıýdjettik sýbsıdııalar berý jónindegi shyǵyndar, kórsetilgen shyǵyndardy jekelegen kishi baǵdarlamalarǵa bóle otyryp, bir bıýdjettik baǵdarlamaǵa biriktirilýi múmkin;
2) memlekettik basqarý deńgeıine qaraı mynalarǵa:
respýblıkalyq bıýdjettiń quramynda bekitiletin respýblıkalyq baǵdarlamalar;
oblystyq bıýdjettiń, respýblıkalyq mańyzy bar qala, astana bıýdjetteriniń quramynda bekitiletin oblystyq, respýblıkalyq mańyzy bar qala, astana baǵdarlamalary;
aýdan (oblystyq mańyzy bar qala) bıýdjetiniń quramynda bekitiletin aýdandyq (qalalyq) baǵdarlamalar;
respýblıkalyq mańyzy bar qala, astana bıýdjetiniń, aýdan (oblystyq mańyzy bar qala) bıýdjetiniń quramynda bekitiletin qaladaǵy aýdannyń, aýdandyq mańyzy bar qalanyń, kenttiń, aýyldyń (selonyń), aýyldyq (selolyq) okrýgtiń bıýdjettik baǵdarlamalary bolyp bólinedi. Oblystyq, respýblıkalyq mańyzy bar qala, astana, aýdandyq (qalalyq) bıýdjettik baǵdarlamalar, sondaı-aq qaladaǵy aýdannyń, aýdandyq mańyzy bar qalanyń, kenttiń, aýyldyń (selonyń), aýyldyq (selolyq) okrýgtiń bıýdjettik baǵdarlamalary jergilikti bıýdjettik baǵdarlamalar bolyp tabylady;
3) iske asyrý tásiline qaraı mynalarǵa:
bir ákimshi iske asyratyn jeke bıýdjettik baǵdarlamalar;
belgili bir bıýdjettik baǵdarlamalar ákimshisiniń bıýdjettik baǵdarlamalarynyń quramynda bekitiletin jáne bıýdjettik baǵdarlamalardyń túrli ákimshileri arasynda aǵymdaǵy qarjy jyly ishinde bólinýge tıis bólinetin bıýdjettik baǵdarlamalar bolyp bólinedi.
Budan basqa, bıýdjettik baǵdarlamalar (kishi baǵdarlamalar) biryńǵaı bıýdjettik synyptamanyń quramynda tıisti belgi (kod) berile otyryp, aǵymdaǵy bıýdjettik baǵdarlamalarǵa (kishi baǵdarlamalarǵa) jáne bıýdjettik damý baǵdarlamalaryna (kishi baǵdarlamalarǵa) bólinedi.
Bıýdjettik ınvestısııalardy júzege asyrýǵa baǵyttalǵan bıýdjet shyǵystary bıýdjettik damý baǵdarlamalaryna (kishi baǵdarlamalarǵa) jatady. Bıýdjettiń qalǵan shyǵystary aǵymdaǵy bıýdjettik baǵdarlamalarǵa (kishi baǵdarlamalarǵa) jatady.»;
42-tarmaq mynadaı redaksııada jazylsyn:
«42. Bıýdjettik baǵdarlama bıýdjet qarajatyn jumsaýdyń baǵyttaryn naqtylaıtyn, bıýdjettik baǵdarlamanyń túpkilikti nátıjesine qol jetkizýge baǵyttalǵan kishi baǵdarlamalarǵa bólinýi múmkin.
Bıýdjettik baǵdarlamanyń kishi baǵdarlamalary bolǵan kezde, tikeleı nátıje kórsetkishteri kishi baǵdarlamalar deńgeıinde kórsetiledi.»;
51-tarmaqtyń 10) tarmaqshasy mynadaı redaksııada jazylsyn:
«10) «Tikeleı nátıje kórsetkishteri» degen jolda qol jetkizilýi osy fýnksııalardy, ókilettikterdi júzege asyratyn uıymnyń qyzmetine nemese kórsetetin qyzmetine tolyq táýeldi bolatyn, bıýdjet qarajaty sheginde oryndalatyn memlekettik fýnksııalar, ókilettikter jáne kórsetiletiń qyzmetter kóleminiń sandyq sıpattamasy kórsetiledi. Joǵary turǵan bıýdjetten beriletin nysanaly damý transfertteri esebinen is-sharalardy iske asyrýǵa baǵyttalǵan jergilikti bıýdjettik baǵdarlamalar boıynsha tikeleı nátıje kórsetkishteri jergilikti bıýdjettik ınvestısııalyq jobalar bólinisinde kórsetiledi;»;
53-tarmaq mynadaı redaksııada jazylsyn:
«53. Strategııalyq josparlar ázirlemeıtin respýblıkalyq bıýdjettik baǵdarlamalar ákimshileriniń bıýdjettik baǵdarlamalarynyń jobalary respýblıkalyq bıýdjet bekitilgennen keıin pysyqtalady jáne olardy Qazaqstan Respýblıkasynyń Prezıdenti respýblıkalyq bıýdjet týraly zańǵa qol qoıǵan kúnnen bastap bir apta merzimde bıýdjettik baǵdarlamalar ákimshisiniń birinshi basshysy bekitedi.
Oblystardyń, respýblıkalyq mańyzy bar qalanyń, astananyń tekserý komıssııalarynyń bıýdjettik baǵdarlamalarynyń jobalary tıisti jergilikti bıýdjet bekitilgennen keıin pysyqtalady jáne olardy aǵymdaǵy qarjy jylynyń 30 jeltoqsanyna deıin tıisti tekserý komıssııasynyń tóraǵasy bekitedi.
Oblystardyń, respýblıkalyq mańyzy bar qalanyń, astananyń, aýdandardyń (oblystyq mańyzy bar qalanyń) máslıhat apparattarynyń bıýdjettik baǵdarlamalarynyń jobalary tıisti jergilikti bıýdjet bekitilgennen keıin pysyqtalady jáne olardy aǵymdaǵy qarjy jylynyń 30 jeltoqsanyna deıin tıisti máslıhat hatshysy bekitedi.
Oblystyq bıýdjetten, respýblıkalyq mańyzy bar qala nemese astana bıýdjetinen qarjylandyrylatyn atqarýshy organdar ákimshileri bolyp tabylatyn bıýdjettik baǵdarlamalar jobalary memlekettik josparlaý jónindegi tıisti jergilikti ýákiletti organmen kelisý boıynsha bıýdjettik baǵdarmalalardyń ákimshileri aǵymdaǵy qarjy jylynyń 30 jeltoqsanyna deıin bekitedi.
Aýdannyń (oblystyq mańyzy bar qalanyń) bıýdjetinen qarjylandyrylatyn, strategııalyq josparlar ázirlemeıtin bıýdjettik baǵdarlamalar ákimshileri bıýdjettik baǵdarlamalarynyń jobalary tıisti jergilikti bıýdjet bekitilgennen keıin pysyqtalady jáne olardy aǵymdaǵy qarjy jylynyń 30 jeltoqsanyna deıin aýdannyń (oblystyq mańyzy bar qalanyń) tıisti jergilikti atqarýshy organdary bekitedi.
Joǵary turǵan bıýdjetten bólinetin nysanaly transfertter esebinen is-sharalardy iske asyrýǵa baǵyttalǵan bıýdjettik baǵdarlamalardy nysanaly transfertter aýdaratyn joǵary turǵan bıýdjettiń bıýdjettik baǵdarlamalarynyń ákimshisimen jáne memlekettik josparlaý jónindegi jergilikti ýákiletti organdarmen kelisý boıynsha tómen turǵan bıýdjettiń bıýdjettik baǵdarlamalarynyń jobalary ákimshileri aǵymdaǵy qarjy jylynyń 30 jeltoqsanyna deıin bekitedi.»;
54-tarmaq mynadaı redaksııada jazylsyn:
«54. Bıýdjetti naqtylaý nemese túzetý kezinde olardyń qarjylandyrý kólemderi men nátıjeler kórsetkishteri ózgergen jaǵdaıda, bıýdjettik baǵdarlamalar qaıta bekitiledi.
Bıýdjettik baǵdarlamalar ákimshisiniń bastamasy boıynsha bıýdjettik baǵdarlamalarǵa toqsanyna bir retten jıi emes, toqsannyń ekinshi aıynyń 25-kúnine deıin ózgerister engizýge jol beriledi.
Qarjylandyrý kóleminiń ózgerýine baılanysty bıýdjettik baǵdarlamalarǵa ózgerister men tolyqtyrýlar jobalaryn tıisti bıýdjettik komıssııa qaraıdy.»;
2) «Bıýdjettik ótinimdi jasaý jáne usyný qaǵıdalaryn bekitý týraly» Qazaqstan Respýblıkasy Ekonomıka jáne bıýdjettik josparlaý mınıstriniń 2013 jylǵy 13 naýryzdaǵy №73 buıryǵyna (Normatıvtik quqyqtyq aktilerdi memlekettik tirkeý tiziliminde № 8399 bolyp tirkelgen, 2013 jylǵy 17 shildedegi № 172 (28111) jáne 23 tamyzdaǵy № 196 (28135) gazetinde jarııalanǵan «Egemen Qazaqstan») gazetinde jarııalanǵan:
6-tarmaqtyń 8), 9) tarmaqshalary mynadaı redaksııada jazylsyn:
«8) respýblıkalyq bıýdjetten oblystyq bıýdjetterge, respýblıkalyq mańyzy bar qala, astana bıýdjetterine nysanaly damý transfertter bólingen jaǵdaıda, oblystyń, respýblıkalyq mańyzy bar qalanyń, astananyń jergilikti atqarýshy organdarymen kelisilgen nysanaly transfertter boıynsha nátıjeler týraly kelisimder jobalaryn, qol jetkizilgen tikeleı jáne túpkilikti nátıjeler týraly esepti;
9) oblystyq bıýdjetten aýdannyń (oblystyq mańyzy bar qalanyń) bıýdjetterine nysanaly damý transfertteri, onyń ishinde oblystyń bıýdjetterine bólinetin jáne odan ári aýdannyń bıýdjetterine bólýge jatatyn respýblıkalyq bıýdjetten nysanady damý transfertteri bólingen jaǵdaıda, aýdannyń jergilikti atqarýshy organdarymen kelisilgen nysanaly transfertter boıynsha nátıjeler týraly kelisimderdiń jobalaryn;»;
66-1-tarmaqtyń 1) tarmaqshasy mynadaı redaksııada jazylsyn:
«1) bıýdjettik baǵdarlamalar ákimshileriniń bıýdjettik ótinimderin olardyń Qazaqstan Respýblıkasynyń bıýdjet jáne ózge de zańnamasyna, oblystyq, respýblıkalyq mańyzy bar qala, astana áleýmettik-ekonomıkalyq damý boljamyna, aýmaqtardy damytý baǵdarlamasynyń kórsetkishterine jáne qoldanystaǵy zattaı normalarǵa sáıkes kelýi turǵysynan qaraıdy, bul rette, bıýdjettik ótinimderdi qaraý kezinde árbir bıýdjettik baǵdarlama boıynsha shyǵystar túrleri boıynsha esepteý kezinde baǵdar retinde Qazaqstan Respýblıkasynyń memlekettik satyp alý týraly zańnamasynda belgilengen taýarlar, jumystar, kórsetiletin qyzmetter baǵalarynyń derekqory paıdalanylady. Memlekettik josparlaý jónindegi jergilikti ýákiletti organ baǵalar derekqorynda kózdelgen taýarlar, jumystar, qyzmetter birliginiń is júzindegi ortasha qunynan aspaıtyn qunyna baǵdarlanady. Baǵalar derekqorynda joq bolǵan jaǵdaıda, josparlanǵan shyǵystardy negizdeıtin qujattar (sharttardyń kóshirmeleri, praıs-paraqtar) paıdalanylady;»;
67-tarmaqtyn 6) tarmaqshasy mynadaı redaksııada jazylsyn:
«6) sheshilýine nysanaly transfertter boıynsha kelisimder jobalarynda kózdelgen nysanaly damý transfertteri bólinetin nysanaly damý transfertteri boıynsha maqsattar men mindetterge qol jetkizýdi taldaý eskeriledi.»;
68 -tarmaq mynadaı redaksııada jazylsyn:
«68. Memlekettik josparlaý jónindegi ortalyq strategııalyq josparlardyń jobalaryn nemese strategııalyq josparlarǵa ózgerister men tolyqtyrýlardyń jobalaryn, bıýdjettik ótinimderdi, bıýdjettik baǵdarlamalar ákimshileriniń bıýdjettik baǵdarlamalarynyń jobalaryn qaraý qorytyndylary boıynsha strategııalyq josparlardyń jobalary nemese strategııalyq josparlarǵa ózgerister men tolyqtyrýlardyń jobalary, bıýdjettik ótinimder jáne bıýdjettik baǵdarlamalardyń jobalary boıynsha qorytyndylardy qalyptastyrady jáne olardy tıisti bıýdjet komıssııasynyń qaraýyna jiberedi.
Jergilikti atqarýshy organdarǵa nysanaly damý transfertteri men bıýdjettik kredıtter berýge baǵyttalǵan bıýdjettik baǵdarlamalarǵa bıýdjettik ótinimder boıynsha memlekettik josparlaý jónindegi ortalyq ýákiletti organnyń qorytyndylary óńirlik saıasat máseleleri jónindegi komıssııanyń usynystary eskerile otyryp, óńirlik damý salasyndaǵy ortalyq ýákiletti organnyń usynystary negizinde qalyptastyrylady.
Memlekettik josparlaý jónindegi jergilikti ýákiletti organdar jergilikti bıýdjettik baǵdarlamalar ákimshileriniń bıýdjettik ótinimderin, bıýdjettik baǵdarlamalarynyń jobalaryn qaraý qorytyndylary boıynsha bıýdjettik ótinimder men bıýdjettik baǵdarlamalardyń jobalary boıynsha qorytyndylardy qalyptastyrady jáne olardy tıisti bıýdjet komıssııasynyń qaraýyna jiberedi.»;
70-tarmaq mynadaı redaksııada jazylsyn:
«70. Respýblıkalyq bıýdjettik baǵdarlamalardyń ákimshileri Respýblıkalyq bıýdjet komıssııasynyń usynystaryna sáıkes memlekettik josparlaý jónindegi ortalyq ýákiletti organǵa strategııalyq josparlardyń pysyqtalǵan jobalaryn nemese strategııalyq josparlarǵa ózgerister men tolyqtyrýlardyń jobalaryn, bıýdjettik baǵdarlamalardyń jobalaryn jáne bıýdjettik ótinimderdi usynady.
Strategııalyq josparlar ázirlemeıtin bıýdjettik baǵdarlamalardyń ákimshileri tıisti bıýdjet komıssııasynyń usynystaryna sáıkes memlekettik josparlaý jónindegi ortalyq nemese jergilikti ýákiletti organdarǵa bıýdjettik baǵdarlamalardyń pysyqtalǵan jobalaryn jáne bıýdjettik ótinimderdi usynady.».
2. Bıýdjettik josparlaý jáne boljamdaý departamenti (J. T. Toqabekova) osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne onyń «Ádilet» aqparattyq-quqyqtyq júıesinde jáne resmı buqaralyq aqparat quraldarynda resmı jarııalanýyn qamtamasyz etsin.
3. Osy buıryq 2015 jylǵy 1 qańtardan bastap qoldanysqa engiziletin 1-tarmaqtyń 1) tarmaqshasynyń on toǵyzynshy, jıyrma segizinshi - otyz ekinshi abzastaryn jáne 2) tarmaqshasynyń úshinshi - besinshi, segizinshi jáne toǵyzynshy abzastaryn qospaǵanda, memlekettik tirkelgen kúninen bastap qoldanysqa engiziledi jáne resmı jarııalanýǵa jatady.
Mınıstr B.SULTANOV.
Buıryq Qazaqstan Respýblıkasynyń Ádilet mınıstrliginde 2014 jylǵy 29 qyrkúıekte Normatıvtik quqyqtyq kesimderdi memlekettik tirkeýdiń tizilimine №9765 bolyp engizildi.