ASTANA. 15 qańtar. О́zbekstannyń is basyndaǵy prezıdenti Islam Karımov taǵy da memleket basshylyǵy oryntaǵy úshin bolatyn saılaýǵa qatysady. Bul týraly ras.kz habarlady.
О́zbekstanda prezıdent saılaýy 2015 jylǵy 29 naýryzda ótetin bolyp belgilengen.
76 jastaǵy I.Karımov prezıdentke úmitkerlikke sársenbi, 14 qańtar kúni ótken lıberal-demokratııalyq partııanyń sezi barysynda usynyldy. Ol osylaısha aldaǵy saılaýdaǵy eń alǵashqy kandıdat bolyp tirkeldi.
Budan buryn baspasózde Islam Karımovtyń yqtımal izbasary retinde vıse-premer Rýstam Azımov pen ózbek qaýipsizdik qyzmetiniń basshysy Rýstam Inoıatov aıtylyp júrgen edi.
О́zbekstanda prezıdent saılaýy naýqany ótken jyldyń 26 jeltoqsanynda bastaldy.
Bul elde prezıdent bes jyldyq merzimge saılanady.
О́zbekstan prezıdenttigine jastary 30-dan asqan, saılaý aldyndaǵy respýblıka aýmaǵynda turyp kele jatqan merzimi 10 jyldan kem emes azamattar daýysqa túse alady. Kandıdattardy usyný, memleket basshysyn saılaý týraly zańǵa sáıkes, daýys berýge 65 kún qalǵannan 20 kún ishinde júrgiziledi.
О́zbekstanda munyń aldyndaǵy saılaý 2007 jyly ótip edi. Sol joly Islam Karımov úshinshi merzimge saılanǵan. Al О́zbekstan Konstıtýsııasy bir adamnyń qatarynan eki retten artyq memleket basshysy oryntaǵyn ıemdenýine tyıym salady. Alaıda, saıasatkerdiń jaqtastary sodan bergi aralyqta Negizgi zańǵa eki ret ózgeris engizilýine baılanysty (aldymen prezıdenttik merzim 7 jylǵa uzartyldy, sosyn qaıtadan 5 jylǵa túsirildi) Karımovtiń burynǵy eki rettik prezıdentigin syzyp tastap, osydan keıin qaıtadan «nólden bastatqyzdy».
Islam-aka Abdýganıevıch Karımov is júzinde О́zbekstan respýblıkasyn 1989 jyldan beri úzdiksiz basqaryp keledi. Osy jyly ol О́zbekstan KSR kompartııasy ortalyq komıtetiniń birinshi hatshysy bolyp saılandy. 1991 jyly birinshi ret О́zbekstan prezıdenti boldy. Arada tórt jyl ótkennen keıin Karımovtiń prezıdenttik ýákilettiligi referendým jolymen 2000 jylǵa deıin sozyldy. Al 2000 jylǵy 9 jeltoqsanda ekinshi márte prezıdent bolyp saılandy.
Aıdar О́risbaev.
Derek: ras.kz.
Sýret: rbc.ru.