Osy kúni óz betinshe oılanatyn robottar kóbeıip, barlyq salada basymdyq alǵanyna kýá bolyp otyrmyz. Al sol «robot» sóziniń túp-tórkini qaıdan shyqqanyn bilesiz be?
Bul sóz alǵash ret cheh jazýshysy Karel Chapektiń pesasynda kezdesken. Shyǵarmanyń negizgi mazmuny – fabrıka jumysynyń adamdarsyz-aq ózdiginen júretini týraly. Atalǵan spektakl 1920 jyly sahnalanǵan. Aıtpaqshy, «Robot» sózi cheh tilinde «aýyr jumys» degen maǵynany bildiredi.
«Apple»-diń alǵashqy logotıpi
Áldebireý «Apple» ónimderi týraly aıta qalsa, birden kóz aldymyzǵa tistelgen almanyń beınesi keledi. Biraq bul – kompanııanyń keıingi logotıpi...
Ǵalymdardyń aıtýynsha, qandaıda bir kompanııa logotıpiniń tez tanylýyna onyń este saqtaýǵa ońaı bolýy áser etedi eken. Iаǵnı árbir adam qaǵaz betinde jeńil beıneleı alýy qajet. Al «Apple»-diń alǵashqy logotıpinde alma aǵashyna súıkenip otyrǵan Isaak Nıýton beınelengen eken. Alaıda bul sýret kópshilik úshin tym kúrdeli bolǵany sebepti, logotıp tistelgen almanyń sýretine aýysqan.
Kózdi ashyp-jumǵansha
«Mitsubishi Electric» kompanııasynyń tokufast roboty kýbık tekshesin qurastyrýdan álemdik rekord ornatty.
«Jyldamdyǵyna kóz ilespeıdi» dep osyndaıda aıtatyn shyǵar. tokufast roboty kýbık tekshesin 0,305 sekýndta qurastyryp, aldyńǵy rekordty 0,075 sekýndqa basyp ozdy. Bylaısha aıtqanda, bir sekýndtyń úshten bir bóliginde qurastyryp úlgergen. Osydan-aq onyń jyldamdyǵyn oılaı berińiz.