PETROPAVL. 26 sáýir. Bul kúnge soltústikqazaqstandyqtar da erekshe merekelik kóńil-kúımen daıyndalyp, tańmen talasa saılaý ýchaskelerine kele bastady. Bul týraly egemen.kz tilshisi habarlady.
«Saılaý ýchaskesi aýmaǵyndaǵy turǵylyqty mekenjaılar boıynsha 380 myńnan astam adam tizimge alynyp, 709 saılaý ýchaskelirinde óz tańdaýlaryn jasaıtyn bolady. Demalys úılerinde, emhanalarda, qatynaýy qıyn eldi mekenderde uıymdastyrý sharalaryn tyńǵylyqty ótkizý jan-jaqty qarastyrylǵan. Sondaı-aq, aýrý-syrqaýly, júrip-turýy qıyn adamdar úshin 141 kóshpeli jáshik jumys isteıtin bolady. Avstrııadan, Slovakııadan, kórshi Reseıdiń shekaralas oblystarynan 50 jýyq baıqaýshy saılaý úderisin qadaǵalaýǵa atsalysýda. Bir sózben aıtqanda, kezekten tys prezıdent saılaýyn, ádil ashyqtyqpen ótkizýdi barlyq múmkindikteri qamtamasyz etilgen», – dedi BAQ ókilderimen ótkizgen brıfıngte oblystyq saılaý koımıssııasynyń tóraǵasy Asqar Saqypkereev.
Asqar Jolamanulynyń sózi ispen sabaqtasatynyn saılaý ýchaskelerin aralaý barysynda kóz jetkizdik. Aldymen ózimiz daýys beretin № 23 mekteptegi № 684 saılaý ýchaskesine at basyn tiredik. Saılaý komıssııasynyń tóraıymy Tánzılá Hasenovanyń málimdeýinshe saılaýshylardyń belsendiligi joǵary. Jas saılaýshylardyń qatarynda Aleksandr Aleksandrovıch pen Anton Shaqshaqbaev aldyńǵylardyń qatarynda jetip, syılyqtarǵa ıe bolypty.
«Tizimde 2360 saılaýshy bar.10 kabına ornatylǵan. Eshqandaı irkilis, kidiris joq. 50 adam úıde daýys berýge ótinish túsirdi»,– dedi bizge Tánzılá Ybyraıqyzy.
«Saılaýǵa baqylaý jasaý jónindegi respýblıkalyq qoǵamdyq komıssııa» oblystyq fılıaly atynana baqylaýshy retinde qatysyp otyrǵan Marına Skmykına saılaýdyń ashyq ótip jatqanyn, eshqandaı zań buzýshylyqtyń oryn almaǵanyn jetkizdi.
Osynda ornalasqan № 685 saılaý ýchaskesiniń tóraıymy Irına Vlasova tizimge 2431 saılaýshy alynǵanyn, saıası naýqannyń joǵary deńgeıde ótip jatqanyn alǵa tartty.
Balalar jáne jasóspirimder ortalyǵynda ornalasqan № 644 saılaý ýchaskesine kelgenimizde óz tańdaýyn aıqyndaýǵa kelgen qalyń kezekke keziktik. Solardyń biri dál osy kúni 80 jasqa tolyp otyrǵan Marııa Leonova dýys berýge kezeksiz ótkizilip, arnaıy syılyq tartý etildi. Munda da joǵary uıymshyldyqtyń kýási boldyq.
Tańerteńgi saǵat 10.00-de oblys saılaýshylarynyń 18,34 paıyzy óz tańdaýlaryn jasasa, saǵat 12.00-de 50 paıyzdan asýy soltústikqazaqstandyqtardyń saıası belsendiliginiń joǵarylyǵyn tanytsa kerek. Al, 22 saılaý ýchaskesinde daýys berýdiń aıaqtalǵan.
О́mir Esqalı.
Derek: egemen.kz
Sýret: Talǵat Tánibaev.