Tálimi mol ekspedısııa

Aqtaýdaǵy Nazarbaev Zııat­kerlik mektebi baspasóz qyz­meti­niń habarlaýynsha, joba aıasyn­da ekspedısııalyq top Mań­ǵys­taý ólkesine tán flora men faýna ereksheligimen, tarı­hy jáne turmys-máde­nıeti­men, ın­novasııalyq nysandary jáne arhıtektýralyq qury­lysta­ry­men jiti tanysty.

Oqýshylar aldymen Qabı­bolla Sydıyqov atyndaǵy Mań­ǵystaý oblystyq kitaphanany aralap, kitaphana qurylysymen, ólketaný bólimindegi kitaptar jaıynda aqparat aldy, zańǵar jazýshy Ábish Kekilbaıuly atyn­daǵy Mańǵystaý oblystyq tarıhı-ólketaný murajaıyn tamashalady. Bir aptaǵa sozylǵan ekspedısııa aıasynda oqýshylar Mańǵystaý oblysynyń óndiristik áleýetimen ete tanysý, aqparat alý úshin Aqtaýdaǵy ónerkásip oryndaryna – «KazFruit» azyq-túlik saqtaý bazasyna, «Aqtaý túıequs» fabrıkasy, «Kazakh Osseter» kompanııasyna saıahat­tady. So­nymen qatar jas zert­teýshiler Qazaqstandaǵy keshendi ónerkásip oryndarynyń biri, ammıak jáne ammıak selıtrasyn óndiretin jal­ǵyz kásiporyn «QazAzottyń» jáne jol bıtýmyn óndirýge baǵyttalǵan «Caspi bitum» munaı óńdeý zaýyty­nyń jumysymen tanysty. Sondaı-aq óńirdegi irgeli oqý ordasy Shahmardan Esenov atyndaǵy KMTIÝ Áskerı-teńiz akade­mııa­symen tanysyp, soń­ǵy tehno­logııamen jabdyqtalǵan oqý ornyna qyzyǵýshylyq ta­nyt­ty. Oqýshylar Mańǵystaýdaǵy ­HII-HVII ǵasyrlarǵa jatatyn dinı sáýlet eskertkishi sanalatyn Qara­man ata jer asty meshitine ba­ryp, dinı zııarat ornynda ata-baba rýhyna taǵzym etti. Qupııa­sy áli ashyl­maǵan oryndar­dyń biri «Torysh» shatqalyna ba­ryp, tarıhy mıllıon jyldan asatyn shat­qal­dy, tabıǵattyń erekshe úlgi­si – «Aqespe» alqa­byn tamashalady.

Qazaq dalasynyń kórikti kel­betin óz kózderimen kórip, el men jer taný, otansúıgishtik sezi­min shyńdaý jolynda oqýshylar úshin arnaıy ekspedısııa uıym­das­tyrǵan Zııatkerlik mektepter jobasynyń jas býyn úshin bereri mol bolmaq.

Mańǵystaý oblysy