О́SKEMEN. 26 sáýir. Shyǵys Qazaqstan oblysynyń turǵyndary saılaýǵa bir kisideı qatysyp, joǵary azamattyq belsendilik tanytýda. Bul týraly egemen.kz tilshisi habarlady.
Oblys ortalyǵyndaǵy gýmanıtarlyq kolledjde ornalasqan №79 saılaý ýchaskesine tańǵy saǵat 7.00-ge jýyq turǵyndar jınalyp, ýchaskeniń ashylýyn kútip turdy. Saılaý ýchaskesi elimizdiń Ánuranymen ashyldy. Saılaý ýchaskesiniń tóraǵasy Erlan Qudaıbergenov jınalǵan qaýymǵa daýys berý tártibi týraly túsindirip, kópshilik aldynda bıýlletenderdi shyǵaryp, daýys berilgen bıýlletenderdi salatyn jáshikterdi mórledi.
Bıylǵy saılaýdyń ereksheligi, saılaý ýchaskelerine elden buryn kelip daýys bergen azamattarǵa, alǵash ret daýys berýshilerge jáne balalarymen kelgen otbasylarǵa syılyqtar úlestirildi. Saǵat 9.00-den bastap barlyq saılaý ýchaskelerinde Oqýshylardyń shyǵarmashylyq úıi, «Úmit» balalar úıi men etnomádenı uıymdardyń shyǵarmashylyq ujymdarynyń qatysýymen konserttik baǵdarlamalar jáne kishigirim saýda-sattyq oryndary uıymdastyryldy.
Sondaı-aq saılaý ýchaskesine daýys berýge kelgen turǵyn tizimnen ózin taba almaǵan jaǵdaıda, komıssııa hatshylyǵy eki mınýttyń ishinde Halyqqa qyzmet kórsetý ortalyǵynyń bazasy arqyly anyqtama qaǵazyn shyǵaryp berý arqyly, kedergisiz daýys berýge múmkindik jasady. Halyqaralyq baqylaýshylardyń aıtýynsha, óńirde prezıdenttik saılaý barysy joǵary qarqynmen ótýde. TMD baıqaýshylar mıssııasynyń ókili Petr Frızen tańerteńgilikten beri birneshe saılaý ýchaskelerin aralap úlgergenin, ázirge eshqandaı zań buzýshylyq baıqalmaǵanyn jetkizdi.
Dýman Anash.
Derek, sýret: egemen.kz