QR Ǵylym jáne joǵary bilim mınıstrligi UBT-nyń aralyq nátıjelerin jarııalady. Almaty oblysynan túlep ushqan jas túlek 140 ball jınady, dep habarlaıdy Egemen.kz mınıstrliktiń baspasóz qyzmetine silteme jasap.
UBT bastalǵaly beri talapkerlerdiń 77 paıyzy shekti ball jınaǵan. Ortasha ball 69 ball boldy.
«UBT-nyń altynshy aptasynda Almaty oblysynyń túlegi eń joǵary 140 ball jınady. Keshe, 27 maýsymda Almaty oblysynyń Esik qalasynda talapker UBT-ny matematıka-ınformatıka kombınasııasy boıynsha tapsyrdy. 5 adam 138 ball jınady. UBT qorytyndysy boıynsha sońǵy ret 2021 jyly Pavlodar oblysynan, 2018 jyly Almaty qalasynan kelgen talapker 140 ball jınaǵanyn eske salamyz», delingen habarlamada.
Eń joǵary ball jınaǵan – Almaty oblysy Talǵar aýdany Qarabulaq aýylynyń №22 orta mektebiniń túlegi Jannur Eńsebek.