Iranda prezıdenttik saılaýdyń ekinshi týrynda Masýd Pezeshkıan 53,3 paıyz daýys jınasa, onyń qarsylasy konservator Saıd Djalılı 44,3 paıyz daýys jınady, dep jazady Egemen.kz.
BBC-diń jazýynsha, saılaý Irannyń burynǵy prezıdenti Ebrahım Raısı tikushaq apatynan qaza tapqannan keıin taǵaıyndaldy. 28 maýsymda ótken birinshi týrda birde-bir kandıdat kóp daýys ala almaǵan soń, saılaýdyń ekinshi kezeńin ótkizýge týra keldi.
Saılaý qorytyndysyn shyǵarǵannan keıin Pezeshkıan jaqtastaryna alǵys aıtty, dep habarlaıdy Frans Press.
«Biz barlyǵyna dostyq qolyn sozamyz, bárimiz osy eldiń adamymyz, barlyǵyn eldiń órkendeýi úshin paıdalanýymyz kerek», - dedi ol.Burynǵy kardıohırýrg Masýd Pezeshkıan saılaý naýqany kezinde Irannyń polısııasyn synǵa aldy. Ol Irannyń basqa álemnen «oqshaýlanýyn» toqtatýǵa ýáde berdi. Pezeshkıan sonymen qatar 2015 jylǵy ıadrolyq kelisimdi qaıta jandandyrý boıynsha Batyspen «konstrýktıvti kelissózder júrgizýge» shaqyrdy, oǵan sáıkes Iran Batys sanksııalaryn jeńildetýdiń ornyna óziniń ıadrolyq baǵdarlamasyn shekteýge kelisti.