Dzıýdodan elimizdiń ulttyq quramasy oqý-jattyǵý jıynyn Ispanııada ótkizedi. Nurbol Súleımenov baptaıtyn erler Fransııaǵa attanady. Erler dodasynda Eldos Smetov (60 kg), Ǵusman Qyrǵyzbaev (66 kg), Danııar Shamshaev (73 kg), Abylaıhan Jubanazar (81 kg), Nurlyhan Sharhan (100 kg) Parıj tórinde beldesýge túsedi.
Álem chempıony, Rıo Olımpıadasynyń kúmis, Tokıo Olımpıadasynyń qola júldegeri Eldos Smetovtiń bul – úshinshi alamany. Otyzdan asqan oǵlanǵa Parıjge barý joldamasy ońaı buıyrǵan joq. Maǵjan Shamshadın, Nurǵanat Serikbaev úshtigi ózara beldesý ótkizip, arasynan tájirıbesi tolysqan Smetov qara úzip shyqty. 60 kg – álemniń juldyzdy balýandaryn jınaǵan salmaq. «Men Olımpıada altynyn oljalaǵanda sportty doǵaramyn» degen Eldostyń maqsaty oryndalsa ıgi. О́ıtkeni tól kúresinen japondar jazǵy Olımpıadanyń altyn medalin jeńil salmaq dárejesinde ońaılyqpen bere qoımaıdy. О́zge elderdiń de oǵlandary ońaı emes.
Áıelder arasynda álem chempıonatynyń qola júldegeri Ábıba Ábýjaqynova (48 kg), Esmıgýl Kýıýlova (63 kg), Kámıla Berliqash (+78 kg) beldesýge túsedi.
E.Smetovten ózge balýandardyń barlyǵy da jazǵy Olımpııa oıyndaryna alǵash ret qatysady. Qazaq sportynyń tarıhynda Olımpıadanyń medalin oljalaǵan dzıýdoshylarymyz – ázirge ekeý ǵana. 2008 jyly Ashat Jitkeev Beıjiń Olımpıadasynyń kúmis medalin qorjynǵa salǵan. Odan keıin Eldos eki Olımpıadanyń medalin enshiledi.
Balýandar Parıjdegi Champ de Mars Arena kesheninde 27 shilde men 3 tamyz aralyǵynda beldesýge túsedi.