Azattyǵymyzdyń 23 jylynda kóz aldymyzda bolǵan túbirli ózgeristerdi, tipti, tilmen jetkizý qıyn-aq. Mine, osy táýelsizdik týyndysynyń eshbir jan talasa qoımaıtyn alǵashqy avtory – Nursultan Nazarbaev. Táýelsizdiktiń alǵashqy jyldaryndaǵy biz bastan keshken qıyndyqtardy kim umyta alar? Árıne, «bas-basyna bı bolǵan óńkeı qıqymdardyń» da tabylmaı qalǵandyǵyn jasyrýǵa bolmaıdy. Basqasyn aıtpaǵanda, osy táýelsizdigimizge kúmánmen qaraǵan, ilgeri jyljyǵan kóshimizdiń bir jerde aýyp qalmaı, dittegen jerine aman-esen baratyndyǵyna da tolyq senimdi bolmaǵan mysyqtileýlilerdiń de aramyzda júrgendigin elemeı ketýge bolar ma?! Mine, qırandydan jańa memlekettiń qabyrǵasyn qalaý, qalap qana qoımaı, álemdik órkenıetten oıyp turyp óz ornyn ıemdený degen uly mıssııa bárimizden buryn Elbasy Nursultan Nazarbaevtyń moınyna túsip edi ǵoı. Elordamyzda Qazaqstan Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen ótken jyly «Qazaqstannyń isker áıelder qaýymdastyǵy» uıymdastyrǵan Áıelderdiń III eýrazııalyq sammıtine qatysý qýanyshyna bólendim. Jas táýelsiz memleketimizde basqa talaı jetistikpen birge kásipker áıelderdiń de yqpaly artyp kele jatqanyna aıqyn kóz jetkizdim. Áıel-analardyń, árıne, qolynan kelmeıtin tirlik joq. Úzdikterden úırenip, tyń jospardy alǵa qoıǵanǵa ne jetsin. Balany da tárbıelep, kásipti de dóńgeletken názik jandylar qanshama. Elimizdiń aımaqtarynan, shetelderden kelgen áriptestermen dıdarlasýlardan osyndaı ordaly oı túıdim. Alysty boljaı biletin kóregen saıasatker, eli súıgen Elbasynyń barlyq býyn ókilderine sııaqty, názik jandylarǵa da ólsheýsiz qamqorlyǵyn sezinip kelemiz. Osylaısha eńbek adamdaryna jiger, serpilis syılaýy da óte oryndy. «Jalpyǵa Ortaq Eńbek Qoǵamyna qaraı 20 qadam» baǵdarlamalyq maqalasynyń túp tórkini de eldi eseli eńbekke jumyldyrý edi. Al, Elbasymyzdyń bastamasymen júzege asyrylyp jatqan shaǵyn jáne orta kásipkerlikti jetildirý jolyndaǵy baıandy baǵdarlamalardyń nátıjesinde talaı jannyń sharýasy shalqyp, kásipteri órge basqanyna barshamyz kýámiz. Muny túptep kelgende, halyqtyń ál-aýqatynyń artýy, ortaq Otanymyzdyń áleýmettik-ekonomıkalyq nyǵaıýy dep túsingenimiz abzal.
Juban eliniń halqy talaı ult pen ulysty ortaq shańyraq aıasynda bereke-birlikte toptastyryp, jas memleketti damýdyń dańǵyl jolyna túsirgen Elbasymyzdyń sarabdal saıasaty men batyl bastamalaryn árdaıym qoldap keledi, keler kúnderi de qoldaıtyn bolady. О́ıtkeni, aýdan jurtshylyǵy myzǵymas tirliktiń, beıbit kúnniń baǵasyn bir kisideı sezinedi. Desek te, aýdan, óńir, kúlli Qazaq eli turmaq, Elbasymyzdyń ulylyǵyn álem elderi men tarıh áldeqashan-aq moıyndaǵan. «Táýelsizdik tarıhtyń máńgige bólip bergen enshisi emes, halyqtyń mamyrajaı ómir súrýine berilgen kepildik te emes, ańǵal bolmaǵanymyz da abzal», – degen-di Elbasy. Aq jumyrtqa, sary ýyz táýelsizdigimizdi abaılap áldıleıik, syndyryp alsaq, endi qaıtip keler me? Endigi mindetimiz – Elbasy saıasaty men el birligin nasıhattaý, jas urpaqqa jarastyqtyń, birliktiń jolyn meńzep, mańdaı termen baqytqa jetýge jón silteý. «Qazaqtan-2050» baǵdarlamasymen qýattanyp, uly bolashaqqa qaraı táýelsiz Qazaqstan kemesi júzip barady. Palýbasynda jarqyn júzdi Qazaqstan jurty. Al shtýrvalynda – álem tanyǵan qaıratker, kemeńger saıasatker.
Darıǵa SÚLEIMENOVA, kásipker.
Batys Qazaqstan oblysy, Aqjaıyq aýdany.