AQTО́BE. 26 sáýir. Qazaqstan Respýblıkasy Prezıdentiniń kezekten tys saılaýy Aqtóbe oblysynda belsendi ótýde. Bul týraly egemen.kz tilshisi habarlady.
№61 saılaý ýchaskesinde saǵat 15:30-ǵa deıin tirkelgen 2 130 saılaýshynyń 1 831-i daýys berip úlgergen. Al №38 saılaý ýchaskesindegi Reseıden kelgen TMD mıssııasynyń baıqaýshysy, Orynbor oblysy úkimetiniń vıse-gýbernatory, ishki saıasat bólimi tóraǵasynyń orynbasary Oleg Dımov saılaýdyń uıymshyldyqpen, taza jáne ádil ótip jatqanyn aıtty.
Ol óz sózinde oblystyń ekonomıkalyq damýyna da oń baǵa berdi.
Sonymen qatar, qalalyq oqýshylar saraıyndaǵy №77 saılaý ýchaskesinde bolǵan halyqaralyq baıqaýshy, Polshadan kelgen Adam Marshalek te saılaý týraly oń pikir bildirdi.
Jalpy, oblys boıynsha saǵat 15:30-ǵa deıin saılaýshylardyń 70,1 paıyzy daýys berip úlgergen.
Satybaldy Sáýirbaı.
Derek, sýret: egemen.kz.