ASTANA. 26 sáýir. Ortalyq saılaý komıssııasynyń hatshysy Baqyt Meldeshov respýblıkamyzdaǵy barlyq saılaý ýchaskelerinde daýys berý prosesi aıaqtalǵanyn resmı túrde málim etti. Bul týraly egemen.kz tilshisi habarlady.
B.Meldeshov: «El óńirlerinde prezıdent saılaýynda daýys berý prosesi sońyna jetti. Qazir ýchaskelik saılaý komıssııalarynyń músheleri saılaýshylardyń daýystaryn sanaý ústinde. «Saılaý týraly» konstıtýsııalyq zańnyń 3-baby, 3-tarmaǵyna sáıkes, daýystardy sanaý árbir kandıdat boıynsha jeke júrgiziledi», dedi.
Sondaı-aq, ol shetelderde qurylǵan saılaý ýchaskelerinde daýys berý ýaqyt aıyrmashylyǵyna baılanysty áli aıaqtalmaǵanyn jetkizdi. Dáliregi, syrt memleketterde qurylǵan 65 saılaý ýchaskesiniń 47-sinde daýys berý jalǵasýda.
Joldybaı Bazar.
Derek, sýret: egemen.kz.