Elbasy Nursultan Nazarbaev Álemdik jáne dástúrli dinder lıderleriniń V sezine qatysýǵa kelgen Iordanııa Koroli II Abdallamen kezdesti, dep habarlady Prezıdenttiń baspasóz qyzmeti.
Nursultan Nazarbaev pen II Abdalla ekijaqty jáne óńirlik yntymaqtastyq máselelerin qarastyrdy, sondaı-aq, halyqaralyq kún tártibindegi ózekti jaıttar týraly pikir almasty.
Sonymen qatar, Astanada ótip jatqan Álemdik jáne dástúrli dinder lıderleri seziniń jumysy talqylandy.
Nursultan Nazarbaev Iordanııanyń Qazaqstanǵa jaqyn el ekenine nazar aýdardy.
– Sizdiń Álemdik jáne dástúrli dinder lıderleri sezine qatysý úshin bizdiń elimizge kelýińiz zor mánge ıe. Biz Sizben árdaıym ózara senimdi qarym-qatynasta boldyq. Qazaqstan Sizdiń elińizge úlken qurmetpen qaraıdy. Sizdiń Iordanııa ornalasqan óńirdegi turaqtylyqty qamtamasyz etýde mańyzdy ról atqaryp otyrǵanyńyzdy atap ótkim keledi. Sondyqtan biz Sizdi árdaıym qoldaýǵa ázirmiz, – dedi Memleket basshysy.
II Abdalla ekijaqty baılanystardy nyǵaıtýdyń mańyzdylyǵyn aıta kelip, Qazaqstanǵa shaqyrǵany úshin Nursultan Nazarbaevqa alǵys aıtty.
– О́zińizben kezdesip, ortaq kúsh-jigerimiz arqyly álemniń budan da jaıly ári tynysh bolýyna qalaı yqpal ete alatyndyǵymyz týraly Sizden keńes alý meni árdaıym jyly áserge bóleıdi. Men kóp jyldan beri óńirdegi bitimgershilik, halyqtar men dinderdi jaqyndastyrý jolyndaǵy Sizdiń qyzmetińizge tánti bolyp kelemin, – dedi Iordanııa Koroli.