ASTANA. 12 maýsym. Qazaq kúresinen «Qazaqstan barysy» respýblıkalyq týrnıriniń bıylǵy fınaldyq dodasy ótetin kún 5 shildeden 4 shildege aýystyryldy. Bul týraly «Qazaqstan barysy» qazaq kúresin damytý qorynyń baspasóz qyzmeti habarlady.
Mundaı sheshim 5 shildede Astana kúni merekesine oraı uıymdastyrylatyn sharalardyń tyǵyzdyǵyna baılanysty qabyldanyp otyr. Osylaısha, altyn «Taıtuıaq» pen chempıondyq belbeý ıegerin, sondaı-aq, jyldyń úzdik palýanyn anyqtaıtyn «Qazaqstan barysy» týrnıriniń V fınaldyq jarysy Astana qalasyndaǵy «Saryarqa» respýblıkalyq velotreginde 4 shildede ótedi. Bastalý ýaqyty saǵat 12:00-de.
Atalǵan saıysqa bıletter kelesi aptadan bastap satylymǵa túsedi. Bılet satylatyn oryndar «Qazaqstan barysy» qazaq kúresin damytý qorynyń resmı saıtynda jarııalanady.
Elaman Qońyr.
Derek, sýret: «Qazaqstan barysy» qazaq kúresin damytý qorynyń baspasóz qyzmeti.