Ulý álemde eń kóp taraǵan jándik sanatyna jatady. Osy bir jaratylys týraly sóz bola qalsa, onyń baıaýlyǵy birden oıǵa oralady. Biraq sol baıaý degen jándiktiń de júırigi bar.
Jaqynda ǵana Anglııanyń Konghem qalasynda uıymdastyrylǵan ulýlar arasyndaǵy álem chempıonaty óz máresine jetti. Aıta keteıik, bul baıqaý jyl saıyn dástúrli túrde ótedi. Bıylǵy jarystyń jeńimpazy Djeff esimdi kásibı ulý boldy. Ol 34 santımetr qashyqtyqty 4 mınýt 3 sekýndta eńserdi. Djefftiń ıesi, Lınkolnshırdan kelgen Saımon Lılleı ulýyn kóktemnen bastap jattyqtyrǵan. «Eńbek aqtaldy» degen osy, minekeı.