ATYRAÝ. 26 sáýir. Atyraýda saılaý úderisi zań talabyna saı ótti. Zań buzýshylyq derekteri baıqalmady. Bul týraly saılaýdy baıqaý jónindegi respýblıkalyq qoǵamdyq komıssııasy Atyraý oblystyq fılıalynyń jetekshisi Shynargúl Qaıyrova egemen.kz tilshisimen suhbatynda málim etti.
– Shynargúl Sáldýqyzy, siz jetekshilik etetin qoǵamdyq uıymnyń baıqaýshylary saılaý barysyn qalaı baqylady?
– Bizdiń baıqaýshylarymyz óńirdegi saılaý ýchaskeleriniń barlyǵynda saılaý úderisin baqylaýǵa qatysty. Olar saılaý ýchaskeleri ashylǵannan bastap, daýys berý aıaqtalǵanǵa deıin kirpik qaqpaı baqylady deýge bolady. Ár eki saǵat saıyn óńirlik fılıalǵa málimet joldap otyrdy. Bir qýanarlyǵy, bizdiń baıqaýshylarymyzdan alynǵan málimetterdi saralaǵanda, bir nársege kózimiz tolyq jetti. Ol – elimizdegi saılaýdyń zań talabyna saı ótkendigi.
– Sizdiń baıqaýshylaryńyzdyń quramynda kimder bar?
– Biz baıqaýshylarymyzdy tańdaǵanda, olardy májbúrlegen joqpyz. Iаǵnı, biz 232 baıqaýshyny erikti túrde tańdadyq. Olardyń arasynda ár mamandyqtyń ıeleri, ár býynnyń ókilderi bar. Máselen, stýdentter men magıstranttar, muǵalimder, tipti shaǵyn jáne orta bıznestiń ókilderi, qarapaıym jumysshylar da bizdiń qoǵamdyq birlestiktiń erikti baıqaýshysy bolýǵa nıet bildirdi. Biz olarǵa baıqaýshynyń mindetteri men quqyqtaryn, saılaý ýchaskesindegi daýys berýdi baqylaý kezinde ózin-ózi ustaý etıkasyn túsindirdik.
– О́zge uıymdardyń baıqaýshylarymen baılanystyńyzdar ma? Olar saılaýdyń ótý barysy jaıly ne deıdi?
– Iá, biz saılaýǵa deıin Eýropalyq qaýipsizdik jáne yntymaqtastyq uıymynyń baıqaýshylarymen kezdesip, pikir almasqanbyz. Saılaý ýchaskelerinde kandıdattardyń senimdi ókilderi jáne ózge uıymdar arqyly kelgen baıqaýshylarmen kezdestik. Olar da saılaý úderisiniń zań talabyna saı ótkeni týraly aıtyp, saılaýshylardyń daýys berýge kelý belsendiliginiń joǵary ekenine tańdanysyn bildirdi. Bul azamattarymyzdyń saıası belsendiliginiń joǵarylaǵany, elimizdegi demokratııalyq ózgeristerdi qoldaǵanynyń belgisi.
– Sizderge shaǵym aıtýshylar boldy ma?
– Adamdar shaǵymdy bireýden zábir kórgende, zańsyzdyq oryn alǵanda ǵana aıtady. Al saılaý barysynda saılaýshylar eshkimnen zábir kórgen joq. Joǵaryda aıtqanymdaı, zań buzýshylyq kórinisteri de baıqalmady. Demek, saılaýshylardyń shaǵym aıtýyna esh negiz bolmady. Biz saılaýshylar kóńildi áńgimesinen, janarynyń jarqylynan bolashaqqa degen senimdi anyq baıqadyq.
Joldasbek Shópeǵul.
Derek: egemen.kz.
Sýret: Rahym Qoılybaev.