ASTANA. 27 sáýir. Respýblıka boıynsha saılaýshylardyń 95,11 paıyzy daýys berdi. Bul týraly Qazaqstannyń Ortalyq saılaý komıssııasyna (OSK) silteme jasap, 24.kz habarlady.
OSK baspasóz qyzmeti habarlaıdy: 2015 jylǵy 26 sáýirde bolǵan Prezıdent saılaýyna daýys berýshilerdiń kelý qorytyndylary týraly OSK tóraǵasynyń orynbasary Vladımır Foos pen OSK-nyń múshesi Lázzat Súleımenniń qatysýymen saǵat 22:00-de arnaıy brıfıng ótti.
«Barlyǵyńyz azamattardyń teńdessiz belsendiliginiń kýási boldyńyzdar. Jalpy, barlyq óńirlerde adamdar saılaý ýchaskelerine daýys berý bastalmaı jatyp kelip, jabylǵanǵa deıin kelýlerin toqtatqan joq. Munyń daýsyz fakt ekenine saılaý ýchaskelerinde bolǵan qazaqstandyq jáne halyqaralyq baıqaýshylardyń kózi jetip, atap ótti», – dedi Vladımır Foos «Qazaqstannyń sheteldegi dıplomatııalyq ókildikteriniń janynda qurylǵan ýchaskeler boıynsha derekterdi qospaǵanda, saılaýshylardyń kelýi týraly jedel málimetterdi usynýǵa daıynbyz. Olardan málimetter keshirek kelip túsedi», – dedi OSK tóraǵasynyń orynbasary.
Oblystyq, Astana jáne Almaty qalalyq saılaý komıssııalarynan joldanǵan habarlar negizinde respýblıka boıynsha saılaýshylardyń kelýi 95,11 paıyzdy quraǵany belgili boldy. Onyń ishinde óńirler boıynsha kórsetkishter tómendegideı:
Aqmola oblysy boıynsha 96,91 %;
Aqtóbe oblysy boıynsha 96,36 %;
Almaty oblysy boıynsha 98,48 %;
Atyraý oblysy boıynsha 97,75 %;
Batys Qazaqstan oblysy boıynsha 96,51 %;
Jambyl oblysy boıynsha 97,31 %;
Qaraǵandy oblysy boıynsha 97,21 %;
Qostanaı oblysy boıynsha 96,80 %;
Qyzylorda oblysy boıynsha 97,52 %;
Mańǵystaý oblysy boıynsha 95,36 %;
Ońtústik Qazaqstan oblysy boıynsha 97,78 %;
Pavlodar oblysy boıynsha 96,35 %;
Soltústik Qazaqstan oblysy boıynsha 97,71 %;
Shyǵys Qazaqstan oblysy boıynsha 97,47 %;
Astana qalasy boıynsha 94,51 %;
Almaty qalasy boıynsha 78,28 %.
Qazirgi ýaqytta saılaý ýchaskeleriniń barlyǵynda daýystardy sanaý júrgizilip jatyr. Saılaý zańnamasyna sáıkes, daýystardy sanaý ýaqyty sanaý bastalǵan kezden bastap 12 saǵattan aspaýy tıis.
«Erteń Ortsaılaýkomǵa jedel derekter kelip túskennen keıin sizderdi Qazaqstan Respýblıkasy Prezıdentiniń kezekten tys saılaýynda daýys berýdiń aldyn ala qorytyndylarymen tanystyramyz», – dedi Vladımır Foos brıfıng sońynda.
Elaman Qońyr.
Derek, sýret: 24.kz.