Astana qalasynda Uly aqyn, aǵartýshy Abaı Qunanbaıulynyń týǵan kúnine oraı ǵylymı konferensııalar, mektepterde tárbıe saǵattary, vıktorınalyq oıyndar jáne basqa da 70-ten astam túrli is-shara uıymdastyrylady, dep habarlaıdy Egemen.kz elorda ákimdiginiń baspasóz qyzmetine silteme jasap.
Elordadaǵy Abaı kúnine arnalǵan mereke 10 tamyz kúni 9:00-de Abaı eskertkishine gúl shoqtaryn qoıý rásiminen bastalady.
Sonymen qatar 10 tamyz kúni saǵat 11:00-de Qalamgerler alleıasynda (Egemen Qazaqstan kóshesi, 9) «Abaı ruhanııattyń altyn qazyǵy» atty ádebı-sazdy kesh ótedi.
10 tamyz kúni saǵat 11:00-de Jýrnalıstter saıabaǵynda (Kenesary kóshesi) «Aldymda aqyn Abaı - Temirqazyq!» atty ádebı kesh uıymdastyrylady.
10 tamyz kúni saǵat 20:00-de Esil ózeniniń jaǵalaýynda (Arbat) Abaı ánderin nasıhattaý maqsatynda «Dombyra party» ótedi.
Sonymen qatar 10 tamyz kúni Arbatta Abaıdyń ómiri men shyǵarmashylyǵyna baılanysty vıktorınalyq oıyndar uıymdastyrylady. Al 14 tamyz kúni QR Ulttyq akademııalyq kitaphanasynda «Ulylar mekeni...» ekspedısııasynyń qorytyndysy boıynsha ǵylymı konferensııa ótedi dep josparlanyp otyr.