Abaı kúnine oraı onkúndikte Astana qalasynda ádebı ári rýhanı sharalar ár tusta kórinis bergeni belgili. Abaı shyǵarmalaryn úlgi etýdi murat tutqan aýdan ákimdikteri bastap, bilim, mádenıet salalary mekemeleri uıymdastyrǵan 70-ten astam is-sharanyń ishinde ataýlysy «Jýrnalıster» saıabaǵynda «Aldymda aqyn Abaı – Temirqazyq» atty ádebı kesh ótti. Onda Abaı taǵylymy búgingi kúnmen ushtastyrylyp, óleńderi oqylyp, ánderi shyrqaldy.
«Búgingi jastar ne úırený kerek degenge kelsek, Abaı danalyǵynyń mánin biraýyz sózge syıdyrýǵa bolady, bul – ultty baqytty etý. Ultty baqytty etýdiń úlken kilti – eńbek pen óner. О́nerge Abaı tehnologııany, tehnıkany da syıdyrǵan. Qazirgi jasandy ıntellekt, IT-tehnologııa bári de – Abaıdyń bizge amanattap ketken mindetteri. Biz ony umytpaýymyz kerek», dedi akademık, «Qazaq gazetteri» seriktestiginiń bas dırektory Dıhan Qamzabekuly.
Elordanyń Baıqońyr aýdanynyń ákimdigi, Astana qalasy Bilim basqarmasy, Abaı Qunanbaıuly atyndaǵy №87 mektep-gımnazııasy uıymdastarǵan keshke qalamgerler, ǵalymdar, ustazdar men oqýshylar qatysty. Abaıtanýshy, «Bala Abaı» jobasynyń avtory, aqyn Almahan Muhametqalıqyzy bıyl uly Abaıdyń, onyń balalary Maǵaýııa men Aqylbaıdyń dúnıeden ótkenine 120 jyl tolyp otyrǵanyn aıta kele, osy jyldy «Abaı jyly» dep ataýǵa bolatynyn salmaqtady.
«Qunanbaıdyń 220 jyldyǵyn bıyl Semeı jeri, Abaı eli jaqsylap ótkizdi. Biz Abaıdy ǵana emes, Abaıdyń aınalasyn da tanýymyz kerek. Abaı shyǵarmashylyǵyn, Abaıdyń ómirin bilgenimiz óte durys dep oılaımyn. О́leńderi men qara sózderin ǵana jattaýmen toqtap qalmaýymyz kerek. Búgingi kúnge Alash arystary jetkizgen Abaı shyǵarmashylyǵyndaǵy ultty tárbıeleý ıdeıasyn uǵynýymyz qajet. Maǵjan Jumabaıuly «Pedagogıka» eńbeginde danyshpan Abaı osylaı aıtqan dep Abaıdy mysalǵa jıi tartady. Ult rýhanııatynyń, ult qundylyǵynyń, salt-dástúrimizdiń, búkil boıymyzdaǵy, qanymyzdaǵy qundylyǵynyń kilti Abaıda», deıdi Almahan Muhametqalıqyzy.
Arqaly aqyn, Jazýshylar odaǵynyń hatshysy, osy uıymnyń Astana qalalyq fılıalynyń dırektory Dáýletkereı Kápuly: «Bıyl Abaıdyń ómirden ótkenine 120 jyl. Onyń zamanynan alystaǵan saıyn rýhyna jaqyndaı beremiz. Abaı aıtqan asyl qasıetterdiń barlyǵy qazaq balasynyń boıynan tabylsa, Alash balasy adaspaıdy dep oılaımyn. О́ıtkeni Alash zııalylarynyń ózi Abaıdyń aqyl-oıyn ózderine temirqazyq qyldy», dedi.
Sonymen qatar «Jýrnalıster» alleıasymen qatar ornalasqan «Qalamgerler» alleıasynda «Abaı – rýhanııattyń altyn qazyǵy» ádebı-sazdy kesh te kórermenniń kózaıymyna aınaldy. Astana qalasy Ortalyqtandyrylǵan kitaphanalar júıesi uıymdastyrǵan is-sharany akademık, «Qazaq gazetteri» seriktestiginiń bas dırektory Dıhan Qamzabekuly men aqyn, Jazýshylar odaǵynyń hatshysy Dáýletkereı Kápuly ashyp berdi. Kesh barysynda abaıtanýshylar Qalıbek Altybaev pen Almahan Muhametqalıqyzy jınalǵandardy Abaı álemine jeteledi. «Til-qazyna» ortalyǵynyń qyzmetkerleri, aqyndar Jarqynbek Jumadiluly, Birjan Ahmer, Arman Sherızat qatysyp, uly Abaıdyń jáne ózderiniń óleńderin oqydy. Abaı ánderi áýelep, «Álemdik oıdyń alyby» kórmesi uıymdastyryldy. Ádebı-sazdy keshke belsendi atsalysqandarǵa Ortalyqtandyrylǵan kitaphanalar júıesiniń alǵys hattary tabystaldy.