Atyraýda Jaıyq ózenine shomylýǵa baryp, batyp ketken 14 jastaǵy jasóspirimdi izdeý jumystary ekinshi kúnnen beri júrgizilip keledi, dep habarlaıdy Egemen.kz oblystyq Tótenshe jaǵdaılar departamentine silteme jasap.
Qaıǵyly oqıǵa týraly habarlama kezekshi pýnktke 22 tamyzǵa qaraǵan túni kelip túsken. Oqıǵa Atyraý qalasynyń irgesindegi Aqjar aýylynda bolǵan.
«Jasóspirimniń belgisiz jerde shomylǵany qaıǵyly oqıǵaǵa alyp keldi. Oqıǵa týraly qońyraý túngi saǵat 01:40-ta túsken, sodan keıin birden oqıǵa ornyna súńgýirler jiberilip, tań atqansha balany izdegenimen, izdeý jumystary nátıje bermegen. Tańerteń tańǵy saǵat 6:30-da izdeý jumystaryna 16 qutqarýshy, tórt tehnıka men tórt qaıyq qosyldy. Qazirgi ýaqytta izdeý jumystary jalǵasyp jatyr», dep habarlady TJD.
Tótenshe jaǵdaılar departamentiniń ókilderi oblys turǵyndaryna sýdaǵy qaýipsizdik erejelerin saqtap, belgilenbegen jerlerde sýǵa túspeýdi eskertedi. Qutqarýshylar ata-analardy balalaryn jiti baqylaýǵa, sý mańynda qaraýsyz qaldyrmaýǵa shaqyrady.
Eske salaıyq, keshe Atyraýda sýǵa batyp ketken balanyń izdestirilip jatqanyn habarlaǵan edik.