Múmkin eseıgisi kelmeıtin, álde ózine jaýapkershilik júkteýden qashatyn, qansha eseıgenmen «bala» bolyp qalatyndardy Pıter Pen sındromyna shaldyqqandar deıdi eken.
Mundaı minez-qulyqty psıholog-ǵalym Marııa-Lýıza fon Frans zerttep, sındromǵa ádebı keıipkerlerden «Pıter Pen» men «Kishkentaı hanzadany» jatqyzsa, ómirde bolǵan tulǵalardan áıgili Mosartty mysal etken edi. Sındrom kóbine tym erkelep ósken nemese ata-anasy balaǵa jeke sheshim qabyldap, jaýapkershilik alýyna kedergi keltirgen balalarda bolady-mys. Bul áıelderden góri er adamdarda jıi kezdesedi eken. Ár adamnyń ishinde erkelep, oınap júre bergisi keletin bir kishkentaı balaqaı bar desek te, Pıter Pen sındromy qoǵamnyń da, adamnyń da damýyna kóp kedergi keltiretin kórinedi.
Parıj sındromy
«Parıj» degende kóz aldyńyzǵa ǵajaıyp qala elesteri anyq. Buǵan «aqyndar provınsııada týyp, Parıjde óledi» sóziniń de áseri bar shyǵar. Alaıda siz qııaldaǵan Parıj shynymen solaı ma?
О́ıtkeni bul sındrom Parıjge qydyryp barǵan saıahatshylardyń kóńilin sý sepkendeı basqan oqıǵalardan keıin týyndapty. Áýeli ondaǵy turǵyndardyń salqynqandylyǵy, qalanyń keıbir las jerleri Parıjdi jer betiniń jumaǵyndaı ańsap barǵan adamdardyń psıhologııalyq kóńil kúıi sındrom retinde ataý alǵan. Munyń shyǵý tegi sál jymıyp, sypaıy júretin japondardyń Fransııaǵa barýynan paıda bolǵan degen derek bar. 1986 jyly japon psıhıatry Hıroakı Otoı úlken qalaǵa jumys saparymen barǵanda, dárigerden osy sındrom anyqtalǵan eken. Sodan shyǵar, bizdiń halyq «aryq sóılep, semiz shyq» deıtini...
Dıogen sındromy
О́ner tarıhynan biletinimizdeı, Dıogen – qoǵamnan, qorshaǵan ortadan tys, úıden shyqpaı ómir súrgen adam. Iаǵnı sosıopat nemese mızantrop.
Bul sındrom kóbine jastyq shaǵynda qoǵamda tym belsendi bolǵan qarttarda kóp kezdesedi. 1975 jyly Klarktyń anyqtamasymen ǵylymǵa ense de, sonaý erte ǵasyrlardan beri kezdesetin bul psıhologııalyq aýrýdyń taǵy bir belgisi – eshkimge paıdasy joq, qoqysqa tastalatyn mańyzsyz dúnıelerdi jınaı berý eken.