AQSh-tyń planetologtary Mars Reconnaissance Orbiter orbıtraldy apparatynyń kómegimen Marstyń kóne kraterlerinen shyny qıqymdaryn tapty. Eńbek avtorlary ózderi júrgizgen bul zertteý qorytyndylaryn Geology jýrnalynda jarııalady.
Ǵalymdar «qyzyl planetadaǵy» birneshe kóne kraterdiń oryndarynda shyny qaldyqtarynyń saqtalyp qalǵanyn baıqaǵan. Solardyń biri Hargreıvs dep atalady. Nılı aýmaǵynda ornalasqan kraterdiń dıametri 68 shaqyrym jerdi alyp jatyr. Osy aımaqtaǵy jerdiń ylǵaldylyǵy bir zamandarda onda tirshilik bolǵanynan habar beretin sııaqty.
Oqymystylar, sondaı-aq, shyny úlgileriniń de tirshilik izin saqtap qalýy múmkin ekenin aıtady. Olar tap osyndaı qubylysqa 2014 jyly Argentınadaǵy kóne kraterdiń ornynan tabylǵan shyny úlgilerde organıkalyq molekýla men ósimdik materıalyna kezikken kezde de tap bolǵan eken. Al kraterlerdegi shynylar ǵarysh denesiniń planeta joǵary qabatymen soqtyǵysý prosesin jasaıtyn kúshti qýattyń nátıjesinde paıda bolady eken.
Qazir Hargreıvs krateri 2020 jyly barýy yqtımal jańa Mars kemesi qonatyn oryn retinde qarastyrylyp otyr.
Qaırat QULYMBET.