Azamattyq belsendiliktiń aınacy

Mańǵystaý oblysyna el Prezıdentiniń kezekten tys saılaýynyń ótý barysyn syrttaı qarap, baıqaý úshin kelgen qonaqtardyń arasynda áleýmettik zertteý júrgizýshiler de bar. Biz Áleýmettik-saıası zertteýler ınstıtýtynyń menedjeri Merýert NÝGIEVANY sózge tartqan edik. – Merýert Alybegqyzy, Mańǵystaý óńirine qosh keldińiz! Saılaý barysynda júrgizetin zertteýlerińizdiń máni qandaı? – Rahmet. Bizdiń áleýmettik-saıası zertteýler ınstıtýty Qazaqstan Respýblıkasy Prezıdentiniń kezekten tys saılaýy kezinde EXIT POLL áleýmettik zertteý júrgizýde. EXIT POLL – saılaý ýchaskelerinen shyqqannan keıin júrgiziletin áleýmettik zertteý. Iаǵnı, zertteý ádistemesi saılaý ýchaskelerinen shyqqannan keıin qoıylatyn suraqtardan turady. Búginde atalmysh zertteý búgin elimizdiń barlyq óńirlerinde júrip jatyr, bizdiń ınstıtýttyń ókilderi barlyq aımaqtarda jumys isteýde. Zertteý kezinde tek «Saılaý kezinde qaı úmitkerge daýys berdińiz?» degen bir ǵana suraq beremiz. Árıne, suraqqa jaýap berý adamdardyń óz erkinde. Biz suraqty tek qana jaýap berýge ruqsat bergenderden suraımyz. Biz osy suraqqa jaýap alý arqyly, áleýmettik baǵytta zertteý málimetterine qol jetkizemiz. – Saılaý ýchaskelerinde boldyńyz. Daýys berý qalaı ótti? – Saılaý barysynan joǵary kásibı uıymdastyrýshylyq baıqaldy. Kandıdatqa adam tartý nemese nasıhat júrgizý, basqa da saılaý kezinde bolýy múmkin zań buzýshylyqtar bolǵan joq. – Saılaýshylardyń atsalysýyn qalaı baǵalar edińiz? – Daýys berý – ol kózdi jumyp qaraıtyn jeńil nárse emes. Onyń artynda el taǵdyry, memleket bolashaǵy tur. Sondyqtan, oǵan turǵyndardyń kóptep kelýin ózderiniń osy azamattyq jaýapkershiligin sezingendigi, azamattyq belsendiliginiń ósken­digi dep aıta alamyn. Kámelettik jasqa tolǵan jas pen eńkeıgen qartqa deıin saılaý oryndarynan tabylyp, óz daýysy belgilengen bıýlletenderdi tıisti jáshikke salyp jatqanyn kórip, ár býyn ókilderiniń el erteńine beıjaı qaramaıtyndyǵyn, óz daýystarynyń mańyzǵa ıe ekendigin uǵatyndyǵyn bildim. Mańǵystaýda saılaý­ uıym­dastyrylýy jaǵy­nan joǵary bolsa, ony mańǵystaýlyqtardyń belsendiligi tolyqtyryp, saı­laýǵa úlken ekpin, erekshe sán bergendeı boldy. – Rahmet. Áńgimelesken Gúlaıym ShYNTEMIRQYZY,  «Egemen Qazaqstan».   Mańǵystaý oblysy.