Robottar kún ótken saıyn jetilip keledi. Adamnan aýmaıtyn qultemirlerge kózimiz de úırendi. Al endi mysyqqa tamaq berip otyrǵan robot kórseńiz, tańǵalmańyz.
Qytaılyq kompanııa «Astribot S1» atty ámbebap robot jasady. Ol tirshilikke qolqabys bolyp qana qoımaı, ıesiniń kóńilin de aýlaıdy. Ol mýzykalyq aspapta da oınaıdy, mysyqty tamaqtandyrady, bálish pisiredi, shaı qaınatady. Jyldam qoldary men ıkemdiliginiń arqasynda basqa da isterdi minsiz oryndaıdy.
1,5 shaqyrym quraq
Otandyq ismerler quraq tigýden rekord jańartpaq.
Astanada ótetin Dúnıejúzilik kóshpeliler oıynynda uzyndyǵy 1,5 shaqyrym bolatyn quraq tigiledi. Sheberler aıryqsha týyndysyn «Alaman quraq» dep atapty. Quraq quraýǵa eldiń barlyq óńirinen 500 tiginshi qatysady. О́ńir-óńirdegi ismerler daıyndyqty bastap ketti. Qazir quraqtaryn túgendep jatyr. Aldyn ala ár órnekti, matany tańdap, uzynnan uzyn tigilgen quraqty halyqqa tartý etpek.
Topyraq astyndaǵy zerthana
Mysyrlyq arheologter Kafr-ál-Sheıh provınsııasynan kóne astronomııalyq observatorııa tapty.
Ǵalymdardyń zertteýinshe, topyraq astynan shyqqan nysan bizdiń zamanymyzǵa deıingi VI ǵasyrda salynǵan. О́ńdelmegen kirpishten qalanǵan ǵylymı mekeme jergilikti ǵıbadathanalardyń birinde ornalasqan. Odan kún saǵaty, ólsheý quraldary sekildi túrli jádiger tabylǵan. Kóne observatorııa áli tolyq zertteýden ótken joq. Mamandardyń aıtýynsha, ol – osyǵan deıin anyqtalǵan astronomııalyq mekemelerdiń ishindegi eń irisi.