Oralda úsh kún ishinde 39 ret jyldamdyqty asyrǵan júrgizýshige qomaqty aıyppul salyndy, dep jazady Egemen.kz.
Jergilikti polıseıler jol erejesin qasaqana buzǵan júrgizýshini «SuncarSmartQorgau» júıesi arqyly anyqtaǵan.
Ol Reseı Federasııasynyń memlekettik nómiri kórsetilgen Mitsubishi Galant kóligin tizgindegen.
«Kólik arnaıy avtoturaqqa qoıyldy. Aıta keteıik, tekserý kezinde kóliktiń tehnıkalyq talaptarǵa saı emes ekeni jáne basqa da jol erejelerin buzý faktileri anyqtaldy», delingen Polısııa departamentiniń habarlamasynda.
Jol erejesin buzǵan júrgizýshige 1 mıllıon teńge kóleminde aıyppul salynǵan.