Memleket basshysy Qasym-Jomart Toqaevtyń Joldaýy elimizdiń damýy boıynsha batyl sheshimderdi usyndy. Osylaısha, baǵyt pen baǵdar bekitilip, jasalǵan jumysty aıshyqtap, aldymyzda áli talaı aýqymdy jumys turǵanyn aıtty.
«Jastar rýhy» árdaıym jastar men qoǵam ıgiligi úshin aýqymy keń, áleýmettik-saıası baǵyttardy qamtıtyn jobalardy jasaýǵa atsalysyp keledi. Prezıdent atap ótken «Taza Qazaqstan» jalpyulttyq aksııasyna respýblıka boıynsha belsendi qatysyp, eko-baǵyttaǵy mańyzdy jumystardy jasaı aldy. Astanadan Qonaev qalasyna deıingi road-estafeta, kóktemgi sý tasqynynan keıingi qaıta qalpyna keltirý jumystary, vandalızmmen kúres – rýhtastardyń ortalyqtandyrylǵan qalypty jumysyna aınaldy. Árıne, bul sharalardyń bir rettik naýqan emes ekenin este saqtaǵan jón.
Zań men tártipti kishkentaı baladan bastap qarııalardyń sanasyna deıin sińirý. Bul baǵyt – «Jastar rýhy» aımaqtyq fılıaldarynyń barlyq núktesin qamtydy: oblys, aýdan ortalyqtary, shette qalǵan aýyldaǵy turǵyndarǵa jete alǵan aksııaǵa aınaldy.
Joldaýdan erekshe atap ótetini – 2025 jyldyń «Jumysshy mamandyqtar jyly» bolyp jarııalanýy. Eńbekqor, jańashyl jastardy bir alańǵa jınaıtyn «Jastarǵa jumys» bos jumys oryndar jármeńkesi 3 qala men 17 oblysta 50 000 jasty qamtydy. Kelesi jyly joba jańa ındıkatorlar men tásilderdi usynýdy josparlap otyr.
Jalpyulttyq daýysqa salynatyn AES máselesi Jastar qanaty jaqynda ǵana ótkizgen jastar saıası lageriniń alańynda keńinen talqylandy. Jasyl energııa – senimdi bolashaq kepili. Bul rette rýhtastardyń kózqarasy men tańdaýlary da anyq.
Memleket basshysy atap ótken ekonomıkany kóterý, buqaralyq sportty damytý, ekologııalyq ahýaldy jaqsartý, ǵylym men bilimge asa mán berý, basty qundylyqtardy negizge ala otyryp jumys jasaý – «Jastar rýhy» non-stop rejiminde júzege asyryp, negizge alatyn basym baǵyttar bolady.
Aqerke ISKANDEROVA,
«Jastar rýhy» jastar qanatynyń tóraǵasy