Elbasy Nursultan Nazarbaev Qazaqstan Respýblıkasynyń eńbek sińirgen qaıratkeri, sýretshi Kámil Mýllashevti qabyldady, dep habarlady Prezıdenttiń baspasóz qyzmeti.
Kezdesý barysynda Qazaqstan mádenıetiniń, atap aıtqanda, beıneleý óneriniń qazirgi ahýaly men keleshegi talqylandy.
Memleket basshysy K.Mýllashevtiń otandyq sýret ónerin damytýǵa qosqan eleýli úlesine toqtaldy. Nursultan Nazarbaev atap kórsetkendeı, sýretshiniń týyndylary Qazaqstanda ǵana emes, taıaý jáne alys shetelderdiń kórmelerine de qoıylǵan.
Qazaqstan Prezıdenti eldiń dástúrli mádenı jáne rýhanı qundylyqtaryn saqtaý men budan ári tanymal etý qajettigine nazar aýdardy. K.Mýllashev óz kezeginde Memleket basshysyna mádenıet pen ónerdi damytý máselelerine udaıy qamqorlyq pen jan-jaqty qoldaý kórsetip kele jatqany úshin alǵys aıtyp, shyǵarmashylyq josparlary jóninde áńgimeledi.